Koreya Xalq Demokratik Respublikasi (KXDR) asoschisi Kim Ir Senning ukasi Kim Yon Chju 101 yoshida vafot etdi. Bu haqda Yonhap agentligiga tayanib, “RBK” xabar berdi.
Kim Yon Chjuning o‘limiga nima sabab bo‘lgani ochiqlanmagan. Agentlikning Koreya Markaziy telegraf agentligiga tayanib ma’lum qilishicha, KXDR rahbari Kim Chen In uning o‘limi munosabati bilan hamdardlik bildirgan.
“Kim Yon Chju Mehnat partiyasining yo‘nalishi va siyosatini amalga oshirish uchun fidokorona kurashdi, uzoq yillar davomida partiya va davlatda muhim lavozimlarni egallagan holda sotsialistik qurilishni jadallashtirish va davlat ijtimoiy tizimining Koreya namunasini rivojlantirishga munosib hissa qo‘shdi”, — deyiladi xabarda.
Kim Yon Chju 1920-yilda tug‘ilgan. Akasi Kim Ir Senning boshqaruvi davrida u Koreya Mehnat partiyasining Tashkiliy bo‘limini boshqargan, biroq 1973-yilda uning o‘rnini Kim Ir Senning o‘g‘li Kim Chen Ir egallagan. Shundan so‘ng, u 20 yil davomida ko‘rinish bermagan, ammo 1993-yilda hukmron partiyaga Siyosiy byuro a’zosi va Oliy xalq majlisi doimiy qo‘mitasi raisining o‘rinbosari sifatida qaytgan. Kim Yon Chju so‘nggi bor KXDR davlat OAVlarida 2015-yilda ko‘rinish bergan.
Eslatib o‘tamiz, 2017-yilning fevralda Kim Chen Inning akasi Kim Chon Nam Malaziyada zaharlab o‘ldirilgan edi. Keyinroq Malayziya politsiyasi uni o‘ldirganlikda gumon qilinayotgan ayolni qo‘lga olgandi.
Izoh (0)