Gonkongdagi Jahon savdo markazi binosida yong‘in chiqdi. Mazkur 38 qavatli binoda ofislar, do‘konlar, restoranlar va sport markazi joylashgan, deb yozadi Meduza.
Mahalliy matbuotning xabar berishicha, binoda 350 dan ortiq odam qamalib qolgan. Ularni evakuatsiya qilish uchun o‘t o‘chiruvchilar safarbar etilgan.
Halok bo‘lganlar haqida ma’lumot yo‘q. Yong‘in oqibatida 7 kishi is gazidan zaharlangan. 12 nafar jabrlanuvchi voqea joyidan shifoxonalarga yetkazilgani, ularning yoshi 31 dan 72 gacha ekani haqida xabar berilgan.
Savdo markazidagi yong‘in xavflilik bo‘yicha besh toifadan uchinchisi deb baholanmoqda.
Dastlabki ma’lumotlarga ko‘ra, yong‘in elektrotexnika xonasidan boshlangan va binoning bir tomoniga o‘rnatilgan iskala orqali tarqalgan. Yong‘in sabablari o‘rganilmoqda.
“Ria Novosti” xabariga ko‘ra, savdo markazida qamalib qolganlani evakuatsiya qilish ishlari yakunlandi, kasalxonaga yotqizilganlar soni 14 kishiga yetdi.
Izoh (0)