Bugun,

  • USD 11095.31
  • RUB 173.84
  • EUR 10772.44

14-dekabr kuni Buyuk Britaniyada koronavirus bilan kasallanish bo‘yicha 59 610 ta holat qayd etildi. Bu mamlakatda 2021-yil yanvaridan buyon bir kecha-kunduzda aniqlangan eng yuqori ko‘rsatkich hisoblanadi, deb xabar beradi “Korrespondent.net”.

Foto: Reuters

Foto: Reuters

Reuters agentligining yozishicha, bu 2020-yilning martida koronavirus pandemiyasi boshlanganidan buyon Buyuk Britaniyada sutkalik kasallanish soni bo‘yicha qayd etilgan eng yuqori beshinchi ko‘rsatkich hisoblanadi.

Bundan tashqari, o‘tgan bir sutka ichida tibbiyot xodimlari koronavirus infeksiyasi oqibatida 150 ta o‘lim holati yuzaga kelganini aniqlagan. Shunday qilib, mamlakatda COVID-19 asoratlari oqibatida vafot etganlar soni 146 627 kishiga yetdi.

Shu munosabat bilan bosh vazir Boris Jonson mamlakat “omikron” shtammi sabab yuzaga kelgan yangi infeksiya to‘lqiniga duch kelganini ta’kidlagan.

So‘nggi ma’lumotlarga ko‘ra, dunyoda hozirga qadar qariyb 271,7 million kishi koronavirusga chalingan bo‘lib, ularning 5,3 milliondan ortig‘i vafot etgan, 244,1 million kishi sog‘aygan.

Avvalroq Jonson Angliyada “B rejani” joriy etgandi — u odamlar uydan turib ishlashini, jamoat joylarida niqob taqish majburiyatini va vaksina hujjatlaridan foydalanishni o‘z ichiga oladi. Shotlandiya, Uels va Shimoliy Irlandiya o‘z cheklovlarini joriy etgan. Buyuk Britaniyada hozirda 3 mingdan ortiq odamda “omikron” shtammi tasdiqlangan.

Eslatib o‘tamiz, Britaniyada “omikron” shtammi tufayli 7-dekabrdan mamlakatga kirish tartibi kuchaytirilgan edi. Unga ko‘ra, mamlakatga kiruvchi 12 yoshdan kattaning barchasi PZR yoki LFD-testining (immunoxromatografik tahlil usuli bilan o‘tkaziladi) salbiy natijasini taqdim etishi kerak.

Izoh
Asosiy yangiliklar
Mahalliy
Qashqadaryoda 3 kunlik firma 2,6 mlrd so‘mlik issiqxona o‘rnatish tenderini yutib oldi
Dunyo
Lukashenko Belarus tashqi ishlar vaziri Makey bilan vidolashuv marosimida ishtirok etdi (foto)
Mahalliy
Nukus voqealarida ayblanayotganlar sudi davom etmoqda: asosiy gumonlanuvchilardan biri ikkinchisini firibgar deb atadi