Braziliya prezidenti Jair Bolsonaruga Oliy saylov sudi tizimiga amalga oshirilgan xakerlik hujumi oqibatida ma’lumotlarning tarqalib ketishi ishida ko‘rsatma berishi uchun mamlakat Federal politsiyasidan chaqiriq qog‘ozi keldi. Bu haqda The Brazilian Report’ga tayanib, Tengrinews xabar berdi.
Politsiyaning hisoblashicha, Braziliya yetakchisi avgust oyidagi to‘g‘ridan to‘g‘ri translyatsiya vaqtida ovoz berishdagi elektron mashinalarga oid yolg‘on xabarlarni tarqatish uchun maxfiy ma’lumotlarni oshkor qilib yuborgan.
Prezidentga qarshi tergov Federal oliy sud vaziri Aleksandr de Moraes tomonidan qo‘zg‘atilgan. Moraesning qaroriga ko‘ra, lavozimdan olingan tergovga mas’ul delegat va materiallar bilan tanishish imkoniga ega bo‘lgan deputat Filip Barros (PSL-PR)ni tinglagan delegat Denise Ribeyru prezidentni ko‘rsatma berishga chaqirishga qaror qilgan.
Avvalroq Braziliya prezidenti harbiy to‘ntarish uyushtirishga tayyorgarlik ko‘rishda ayblangani, Braziliya senatorlari koronavirus bilan bog‘liq vaziyat sabab prezident Bolsonaruga qarshi ayblovni ma’qullagani to‘g‘risida xabar berilgandi. Bolsonaru va hukumatning boshqa a’zolari kollektiv immunitetga erishish umidida koronavirusning aholi orasida tarqalishiga yo‘l qo‘yganlikda ayblangan edi.
Izoh (0)