Bugun,

  • USD 10940.05
  • RUB 182.26
  • EUR 11121.65

Janubiy Afrika (JAR) prezidenti Siril Ramafosaning koronavirusga topshirgan testi musbat chiqdi, deb xabar beradi “Kommersant”. U koronavirusga qarshi emlangan edi. JARda hozirda COVID-19 ning yangi “omikron” shtammi keng tarqalgan.

Foto: Reuters

Foto: Reuters

“Prezident Siril Ramafosa koronavirus infeksiyasiga topshirgan test natijasi ijobiy chiqqach, COVID-19 ning yengil belgilariga qarshi davolash kurslaridan o‘tmoqda”, — deyiladi konselyariya xabarida. Ta’kidlanishicha, prezident Keyptaundagi tadbirdan so‘ng, o‘zini yomon his qilishni boshlagan. Qayd etilishicha, hozirda uning “kayfiyati yaxshi”. Ramafosa shikoforlar nazorati ostida qolmoqda.

Janubiy Afrika prezidenti Keyptaunda o‘zini yakkalash rejimiga o‘tgan. Uning vazifasini hozirda vitse-prezident Devid Mabuza bajarmoqda.

Eslatib o‘tamiz, koronavirusning yangi “omikron” shtammi birinchi marta 11-noyabr kuni Janubiy Afrikada topilgan. Britaniyalik olimlarning ta’kidlashicha, yangi shtamm tarqalish tezligi tufayli avvalgilariga, jumladan, deltaga qaraganda xavfliroq bo‘lishi mumkin. Jahon sog‘liqni saqlash tashkiloti mavjud vaksinalar ushbu shtammga qarshi samarasiz bo‘lishi mumkin, degan shubhalar tufayli “omikron”ni xavfli deb tan oldi. Tashkilot, shuningdek, ilgari koronavirusni boshdan o‘tkazganlarda “omikron” bilan qayta kasallanish ehtimoli yuqoriligini ma’lum qildi.

Avvalroq Birlashgan Millatlar Tashkiloti bosh kotibi Antoniu Guterrishning koronavirusga topshirgan testi ijobiy chiqqani va u o‘zini yakkalash rejimiga o‘tgani to‘g‘risida xabar berilgandi.

Izoh
Asosiy yangiliklar
Mahalliy
Onlayn firibgarlik: fishing nima va undan qanday himoyalanish kerak?
Dunyo
Harbiy xizmatdan bosh tortganlik uchun 10 yilgacha qamoq: Putin safarbarlik yuzasidan qonun imzoladi
Dunyo
Borrel: Putinning yadroviy tahdidlarini jiddiy qabul qilish kerak