Ekvadorning markaziy qismidagi Sukua kantonida yo‘lovchilarni olib ketayotgan avtobus ag‘darilib ketdi. Oqibatda 18 kishi halok bo‘ldi, yana 25 kishi yaralandi, deb yozadi El Diario.
Transport vositasi tungi reysni amalga oshirayotgan edi. Dastlabki ma’lumotlarga ko‘ra, haydovchi boshqaruvni yo‘qotgan, avtobus yo‘ldan chiqib ketib, simyog‘ochga urilgan va ag‘darilib ketgan.
Hodisa oqibatida 18 kishi halok bo‘lgan. 25 nafar jabrlanuvchi orasida bolalar ham bor. Jarohatlangan yo‘lovchilar kasalxonaga yotqizilgan.
Avvalroq Meksikaning Chiyapas shtatida yuzdan ortiq muhojirni olib ketayotgan tirkamali yuk mashinasi halokatga uchragandi. Dastlabki ma’lumotlarga ko‘ra, 54 kishi halok bo‘lgan. Qurbonlardan tashqari yana 58 kishi kasalxonaga yotqizilgan.
Noyabr oxirida Bolgariyada sayyohlik avtobusi YTHga uchrab, yonib ketgan edi. Oqibatda 46 kishi halok bo‘lgan.
Izoh (0)