O‘zbekistonda 11-dekabr kuni Xitoydan 1 million doza ZF-UZ-VAC2001 vaksinasi keltirildi. Bu haqda Telegram’dagi “Vaksinauz” kanali xabar qildi.
Ma’lum qilinishicha, vaksina Zhifei Longcom Biopharmaceutical kompaniyasi tomonidan bepulga yuborilgan.
“Vaksina respublika aholisini emlash ko‘lamini kengaytirib, pandemiya sharoitida yurtimizda ommaviy immunitet hosil qilishga xizmat qiladi”, — deyiladi xabarda.
Eslatib o‘tamiz, 10-dekabr holatiga ko‘ra, O‘zbekistonda jami 35 million 845 ming 59 doza vaksinadan foydalanilgan. Ulardan:
- 1-bosqich emlanganlar 18 million 197 ming 891 nafarni;
- 2-bosqichda emlanganlar 11 million 679 ming 390 nafarni;
- 3-bosqich emlanganlar 5 million 967 ming 778 nafarni tashkil qilgan.
Avvalroq O‘zbekistonda 12–18 yoshli bolalarning 500 mingdan ortig‘i Pfizer vaksinasi bilan emlangani xabar qilingandi. Bolalarni koronavirusga qarshi emlash jarayoni Farg‘ona (102 232 doza), Samarqand (86 569 doza) va Andijon (57 259 doza) viloyatlarida yuqori bo‘lgan.