Farg‘ona shahrida Lacetti rusumli xizmat mashinasida qoida buzgan YPX xodimiga chora ko‘rildi, deb xabar bermoqda “Daryo” muxbiri.
Ma’lum qilinishicha, ijtimoiy tarmoqlarda “Farg‘onada qoidabuzar 01 572 VSC” sarlavhali videotasvir tarqalgan. Videotasvirda YHXBga tegishli Lacetti rusumli davlat raqami 01 572 VSC bo‘lgan maxsus xizmat avtomashinasi to‘xtash qoidalariga amal qilmagani aks etgan.
Ushbu holat Farg‘ona viloyati IIB YHXB tomonidan o‘rganilganda 2021-yilning 8–14-noyabr kunlari viloyatda o‘tkazilgan “Xavfsiz hudud” keng qamrovli profilaktik tadbirlari davomida Lacetti rusumli davlat raqami 01 572 VSC bo‘lgan maxsus xizmat avtomashinasi haydovchisi Marg‘ilon shahar B.Marg‘iloniy ko‘chasida yo‘l harakati qoidalarining 91-bandiga amal qilmagani aniqlangan.
Mazkur maxsus xizmat avtomobili biriktirilgan YPX inspektoriga nisbatan to‘xtash qoidalarini buzganligi bo‘yicha Ma’muriy javobgarlik to‘g‘risidagi kodeksning 128-6-modda (transport vositalari haydovchilarining to‘xtash yoki to‘xtab turish qoidalarini buzishi)si tartibida bayonnoma rasmiylashtirilgan bo‘lib, u 540 ming so‘m miqdorida jarimaga tortilgan.
Mavzuga doir:
- Toshkentda YPX xodimi qoida buzgan haydovchining yuziga hujjatlarini otib, ketib qolgani aytilgan video yuzasidan izoh berildi
- Kattaqo‘rg‘onda soliqchining o‘limida aybdor deb topilgan YPX inspektorlari ozodlikdan mahrum qilindi
- Nukusda alkotester o‘rniga bosh kiyimidan foydalangan YPX xodimiga xizmat tekshiruvi tayinlandi
Izoh (0)