Bugun,

  • USD 11014.01
  • RUB 191.8
  • EUR 10674.78

O‘zbekiston 2021-yil oxiriga borib dunyodagi eng yirik beshta kartoshka importyorlaridan biriga aylanishi mumkin, deb xabar bermoqda EastFruit.

Ma’lum qilinishicha, O‘zbekiston allaqachon kartoshka importi bo‘yicha rekordini yangilagan. Mamlakatga 2021-yil 11 oyida 456 ming tonna shu xildagi sabzavot olib kelingan bo‘lsa, ko‘rsatkich 2020-yilning shu davri uchun 421 ming tonnani tashkil etgan. O‘zbekistonga kartoshka importi uch yil ichida ikki baravar ko‘paygan.

Ta’kidlanishicha, mamlakatda kartoshkaning ulgurji narxi bir kilogramm uchun 5 ming so‘mga yaqin. Narx o‘tgan yilga nisbatan 43 foizga, 2019-yilga nisbatan ikki baravarga yuqorilagan. “Mintaqaga kartoshka yetkazib berish, Pokiston va Erondagi qimmat logistika bilan bog‘liq vaziyatni inobatga olsak, yangi hosil boshlanishidan oldin narx sezilarli darajada oshishi mumkin”, deyiladi tahlilda.

EastFruit tahlilchilariga ko‘ra, 2021-yil oxirigacha O‘zbekistonga kartoshkaning umumiy import hajmi birinchi marta 500 ming tonnadan oshadi. Bu orqali mamlakat eng katta kartoshka importyorlari ro‘yxatida Belgiya, Gollandiya, Germaniya va Italiyadan keyingi o‘ringa ko‘tariladi.

Qayd etilishicha, dastlabki uch yetakchi kartoshkani, asosan, qayta ishlash ehtiyojlari uchun import qiladi va muzlatilgan fri hamda boshqa kartoshka mahsulotlari sifatida eksport qiladi. O‘zbekiston esa kartoshkani mamlakat ichida sotish uchun olib keladi. Bu orqali O‘zbekiston sof import hajmi bo‘yicha Italiyani chetlab o‘tib, dunyoda birinchi o‘rinni band etishi mumkin.

Eslatib o‘tamiz, 21-oktabr kuni Oliy Majlis Senatining yigirmanchi yalpi majlisida O‘zbekistonda go‘sht va kartoshka importini QQSdan ozod qilish ma’qullangandi. Budjet va iqtisodiy islohotlar masalalari qo‘mitasi raisi Erkin Gadoyevning fikricha, kartoshka importiga QQSni bekor qilish ortidan budjet — 76,5 milliard so‘mni, savdo aylanmasidan esa — 30 milliard so‘m yo‘qotadi.

Shuningdek, 2021-yilda Erondan O‘zbekistonga meva va sabzavotlar importi keskin oshishi kuzatildi. Yilning dastlabki uch choragi davomida 30,3 million dollarlik meva va sabzavot mahsulotlari yetkazib berilgan.

Bundan tashqari, “Ichki iste’mol bozorini asosiy turdagi oziq-ovqat mahsulotlari bilan kafolatli ta’minlashga doir qo‘shimcha chora-tadbirlar to‘g‘risida”gi hukumat qarori qabul qilinib, O‘zbekistonga 2021-yilda qanday oziq-ovqat mahsulotlari import qilinishi ma’lum qilingandi. Unga ko‘ra, respublika bo‘yicha jami 2 449 108 tonna kartoshka import asosida keltirilishi nazarda tutilgan.

Izoh
Asosiy yangiliklar
Dunyo
Rim papasi Putin va Zelenskiyga murojaat yo‘lladi
Sport
APL. “Manchester Siti” 9 ta gol urilgan derbida “Manchester Yunayted”ni tor-mor etdi. Holand va Fodendan het-trik
Sport
Superliga. “Nasaf” Toshkentda “Paxtakor”ni mag‘lub etib, yakka peshqadamga aylandi