Dream City Development kompaniyasi xalqimizga farovonlik, rivojlanish va ulkan muvaffaqiyatlar tilaydi.
O‘zbekiston Respublikasining Konstitutsiyasi jamiyat taraqqiyoti, mamlakatimiz mustaqilligining poydevori hamda davlatning asosiy qonunidir. Konstitutsiya qabul qilingach barcha islohotlarning asosi — demokratiya, insonparvarlik, inson huquq va erkinliklari ta’minlanadi.
Amalga oshirilayotgan keng ko‘lamli demokratik islohotlar demokratik huquqiy davlat, kuchli fuqarolik jamiyati asoslarini mustahkamlash, tinch, farovon hayotni ta’minlash O‘zbekistonning xalqaro maydonda munosib o‘rin egallashiga xizmat qilmoqda.
O‘zbekiston Respublikasi o‘z tarixida birinchi marta Birlashgan Millatlar Tashkilotining Inson huquqlari bo‘yicha kengashiga a’zo etib saylangani mamlakatimizda amalga oshirilayotgan islohotlar xalqaro miqyosda e’tirof etilganining, inson huquqlarini himoya qilishning yuksak standartlariga rioya etilishining yorqin tasdig‘i bo‘ldi.
Faoliyatning ko‘plab sohalarida innovatsion texnologiyalarni joriy etish, mamlakat me’moriy qiyofasini o‘zgartirish, infratuzilmani rivojlantirish, zamonaviy turar joy majmualari va xalqaro biznes markazlarini barpo etish — bularning barchasi O‘zbekiston iqtisodiyoti va jamiyatini rivojlantirish uchun yangi imkoniyatlar ochayotganiga asosiy sabab qonunchilik tizimidagi ijobiy o‘zgarishlar tufaylidir.
Ulkan xalqaro loyihalar, tadbirkorlik, yoshlar va turizmni faol qo‘llab-quvvatlash, sanoatni rivojlantirish hamda globallashuv va iqtisodiy yutuqlarga ochiqlik O‘zbekistonga jahon hamjamiyatining katta e’tiborini qaratmoqda. Davlatning asosiy qonuni sifatida Konstitutsiya tomonidan mustahkam poydevor qo‘yilmasa, bugungi yuksak marralarni zabt etish qiyin bo‘lar edi.
Dream City Development kompaniyasi O‘zbekiston Respublikasi Konstitutsiyasi kuni hamjihatlik va vatanimizning buguni, kelajagi uchun birgalikdagi mas’uliyat ramziga aylanishiga umid bildiradi. Kompaniya nomidan barcha yurtdoshlarga sihat-salomatlik, har bir oilaga baxt va farovonlik tilab qolamiz.
Reklama huquqi asosida.
Izoh (0)