Toshkent shahri Yakkasaroy tumanida oilaviy ajrimlar keskin ko‘paygani bois bir qator MFY o‘rinbosarlariga tuman hokimi tomonidan hayfsan intizomiy jazosi berildi.
Hokim qaroriga ko‘ra, “Armug‘on”, “Boshliq”, “Qushbegi”, “Dilbuloq”, “Muhandislar”, “Meros”, “Muqimiy”, “Yakkasaroy”, “Rakat”, “To‘qimachi”, “Abdulla Qahhor”, “Yunus Rajabiy”, “Belariq” va “Bobur” mahallalarida ajralishlar soni ortgan. Shu munosabat bilan mahalla raisning oila, xotin-qizlar va ijtimoiy-ma’naviy masalalari bo‘yicha o‘rinbosarlariga hayfsan berildi.
Qayd etilishicha, yuqorida tilga olingan mahallalarda oilaviy ajrimlar soni keskin oshgan, ko‘plab oilalar ajralish arafasida turibdi. Shu bilan birga, mahallalar raislarining oila, xotin-qizlar va ijtimoiy-ma’naviy masalalari bo‘yicha o‘rinbosarlari tomonidan tegishli choralar ko‘rilmagan.
Shuningdek, mahalla raislari ogohlantirilgan. Ushbu choralar Mehnat kodeksining 181-moddasiga muvofiq amalga oshirilgan.
Mavzuga doir:
- O‘zbekistonda 2021-yilning dastlabki olti oyida 19 mingdan ortiq oila ajrashgani ma’lum bo‘ldi
- “Qonun yo‘li bilan to‘xtatishga urinsak, inson huquqlari masalasi o‘rtaga chiqadi” – Shavkat Mirziyoyev oilaviy ajrimlar haqida
- “Mahalla vakillariga ‘agar turmush o‘rtog‘i haqiqatan zo‘ravon bo‘lsa, bunday oilalarni yarashtirishga harakat qilmanglar’, deb aytilyapti” — senator
Izoh (0)