Toshkent shahar “Chuqursoy texnik idorasi” temiryo‘l chegara bojxona postida xorijdan keltirilgan konteyner ichidan elektromobil topildi. Bu haqda Davlat bojxona qo‘mitasi xabar qildi.
Ma’lum qilinishicha, bojxona postida xodimlar tomonidan xorijdan keltirilgan yuk konteyneri belgilangan tartibda bojxona ko‘rigidan o‘tkazilgan. Natijada yo‘l-yuk kuzatuv hujjatlari ko‘rsatilmagan, taxminiy qiymati 200 million so‘mlik, 2019-yilda ishlab chiqarilgan 5 o‘rinli elektromobil transport vositasi borligi aniqlangan.
Qayd etilishicha, hozirda mazkur holat yuzasidan surishtiruv harakatlari olib borilmoqda.
Mavzuga doir:
- Farg‘onada fuqaro Mercedes-Benz’ni bojxona postidan bo‘laklab olib o‘tmoqchi bo‘ldi
- O‘zbekistonga qiymati 9 mlrd so‘mdan ortiq bo‘lgan tovarlar noqonuniy olib kirilayotgani aniqlandi
- Bojxonadan salkam 12 mlrd so‘mlik shisha idishlar va kir yuvish kukunlarini yashirincha o‘tkazishga urinish fosh etildi
Izoh (0)