Surxondaryoning Denov shahrida joylashgan ikki qavatli “Indenim” savdo majmuasida portlash sodir bo‘lib, savdo majmuasi binosi devorlari qulab tushgandi. Favqulodda vaziyatlar vazirligi vayrona ostida olib borilgan qidiruv ishlarida bir nafar halok bo‘lgan fuqaro aniqlanganini ma’lum qildi.
Portlash 7-dekabr kuni soat 03:57 da sodir bo‘lgan. Yong‘in-qutqaruv bo‘linmalari soat 04:02 voqea joyiga yetib borib, chaqnash natijasida sodir bo‘lgan yong‘inni soat 04:25 da o‘chirgan. 30 daqiqa atrofida vayrona ostida olib borilgan qidiruv ishlarida bir nafar halok bo‘lgan fuqaro aniqlangan. Portlash oqibatida 9 nafar fuqaro turli tan jarohati bilan shifoxonaga yotqizilgan.
Hodisa joyiga bosh vazir birinchi o‘rinbosari Ochilboy Ramatov boshchiligidagi hukumat komissiyasi safarbar etilgan. Komissiya tarkibiga IIV, FVV, Milliy Gvardiya, Sog‘liqni saqlash vazirligi va boshqa idoralar vakillari kiritilgan.
Favqulodda vaziyatlar vazirligi axborotiga ko‘ra, ayni paytda ular voqea joyida ish olib bormoqda.
Izoh (0)