Bugun,

  • USD 10940.05
  • RUB 182.26
  • EUR 11121.65

Amazon asoschisi Jeff Bezosning Iqlim o‘zgarishiga qarshi kurash fondi iqlim muvozanati, tabiatni muhofaza qilish va iqlim masalalarini yechish bilan shug‘ullanadigan tashkilotlarga 443 million dollar ajratilishini e’lon qildi.

Foto: Reuters

Foto: Reuters

Bezos Earth Fund press-relizida aytilishicha, fond ushbu mezonlarga javob beradigan tashkilotlarga 44 ta grant ajratdi. Grantlar, xususan, AQSh prezidenti Jo Baydenning noqulay jamoa hududlarda iqlim o‘zgarishiga qarshi kurashda yordam beradigan Justice40 tashabbusi uchun taqdim etiladigan 140 million dollarni o‘z ichiga oladi. Fond, shuningdek, AQSh va Afrikadagi yerlarni tiklashni qo‘llab-quvvatlash uchun 51 million dollar ajratadi.

Nashrning ta’kidlashicha, ushbu grantlar milliarderning iqlim o‘zgarishiga qarshi kurashish uchun tashkil etilgan 10 milliard dollarlik Yer fondi oldidagi majburiyatlarining bir qismi bo‘lib, u mablag‘lar 2030-yilgacha to‘liq o‘zlashtirilishini va’da qilgan.

“Bezos Yer fondining maqsadi ushbu muhim o‘n yillikdagi muammolarni hal qila oladigan o‘zgarishlarning yaratuvchilarni qo‘llab-quvvatlashdan iborat. Ushbu grantlar orqali biz qat’iy choralar ko‘rishni talab qiladigan ikkita soha — iqlim muvozanati va atrof-muhitni muhofaza qilishni takomillashtiramiz”, — dedi  Bezos Yer fondining prezidenti va bosh direktori Endryu Stir.

Bezosning iqlim tashabbuslari uchun ajratgan xayriyalarining umumiy miqdori 1 milliard dollardan oshgan. Bu mablag‘lar qatoriga Obama fondi uchun 100 million dollar va AQShdagi Smitson instituti uchun taqdim etilgan 200 million dollar ham kiradi.

“Bezos Yer fondi” — bu Jeff Bezosning iqlim va tabiat muammolarini hal qilishga hissa qo‘shadigan olimlar, faollar, nodavlat tashkilotlar va boshqalarning ishi uchun 10 milliard dollar mablag‘ ajratish majburiyatidir. Fond tashkil etilgani haqida Bezos 2020-yilning fevralida e’lon qilgan edi.

Avvalroq Microsoft asoschisi Bill Geyts yaqin besh yil ichida iqlim o‘zgarishiga qarshi kurashish loyihasi uchun 2 milliard dollar investitsiya kiritishini ma’lum qilgandi.

Izoh
Asosiy yangiliklar
Mahalliy
Navoiydagi ko‘p qavatli uylarda lift muammosi: aholi lift ishlamayapti desa, mas’ullar uning to‘xtatilishiga lift ichidagi o‘g‘rilik, fohishabozlik sabab demoqda
Mahalliy
“Daryo” kundaligida 26-sentabrda sodir bo‘lgan eng muhim voqealar
Mahalliy
“Toshkent hokimligi barcha OAV vakillari bilan ishlashga tayyor va hozirjavob bo‘ladi”. Zoir Mirzayevning matbuot kotibi jurnalistlar bilan muloqot qildi