“Garri Potter” kinofranshizasining 20 yilligiga bag‘ishlangan maxsus epizodning birinchi tizeri taqdim qilindi

HBO Max “Garri Potter va hikmatlar toshi” filmi taqdim qilinganining 20 yilligi munosabati bilan “Hogvartsga qaytish” deb nomlangan maxsus epizodning birinchi tizerini taqdim qildi.

Rolikda deyarli barcha aktyorlar — Deniel Redkliff, Emma Uotson, Rupert Grint, Tom Felton, Mettyu Lyuis, Geri Oldmen, Helena Bonem Karter va boshqalar suratga tushgan. Tizerda ularga Hogvartsdan taklifnoma yuborilganini ko‘rish mumkin.

Film premyerasi 2022-yilning 1-yanvar kuni bo‘lib o‘tishi kutilmoqda. Maxsus epizoddagi ishtirokchilar ro‘yxatida Garri Potter haqidagi kitob muallifi Joan Rouling haqida e’lon qilinmagan. Mish-mishlarga ko‘ra, u irqchilik bilan bog‘liq ayblovlar sabab faqat arxiv kadrlardagina paydo bo‘ladi. Avvalroq ijtimoiy tarmoqlarda yozuvchini qo‘llab-quvvatlash uchun fleshmob boshlangan. Kitob va kinofranshizaning muxlislari #IStandWithJKRowling (Men Joan Rouling uchun) degan xeshtegni ommalashtirgan.

Avvalroq Lego “Garri Potter va hikmatlar toshi” filmiga 20 yil to‘lishi munosabati bilan yangi jamlanmani taqdim etgani haqida xabar berilgandi.