Futbol bo‘yicha Angliya Premyer Ligasining 15-turidan o‘rin olgan o‘yinda “Manchester Siti” 4-dekabr, shanba kuni “Uotford” bilan kuch sinashdi.
Uotford mezbonlik qilgan o‘yinda mehmonlar 3:1 hisobidagi g‘alabani rasmiylashtirdi. 4-daqiqada Rahim Sterling hisobni ochdi. Keyinchalik Bernardu Silva ketma-ket ikkita gol urib, hisobni 3:0 ko‘rinishiga olib keldi. O‘yin yakuni arafasiga yaqin “Uotford” hisobni qisqartirishga muvaffaq bo‘ldi, Kucho Ernandes o‘z nomini tabloga yozdirib qo‘ydi.
Mazkur g‘alabadan keyin “shaharliklar”ning ochkolari 35 taga yetdi va yana birinchi o‘ringa qaytdi. Hisobida 13 ochko bo‘lgan “Uotford” 17-pog‘onani band etgan.
APL
15-tur bahsi
4-dekabr, shanba
“Uotford” — “Manchester Siti” 1:3
Gollar: 0:1 – 4 Sterling, 0:2 – 31 Bernardu Silva, 0:3 – 63 Bernardu Silva, 1:3 – 74 Ernandes.“Uotford” – Baxmann, Femeniya, Ketkart, Trost-Ekong, Rouz (Ngakia, 71), Sissoko, Kleverli (Kuska, 46), Luza (Ernandes, 46), Dennis, King, Joao Pedro.
“Manchester Siti” – Ederson, Uoker, Lyaport, Ruben Diash, Joau Kanselu, Gundo‘g‘an (de Bryuyne, 67), Bernardu Silva, Rodri, Grilish (Mahrez, 68), Foden (Gabriel Jezus, 75), Sterling.
Ogohlantirishlar: King (7), Rouz (31), Ketkart (85).
Izoh (0)