Mol go‘shti va sabzavotlardan tayyorlanib, anor donachalari bilan bezatiladigan to‘yimli salat

To‘yimli mahsulotlar qo‘shib tayyorlanadigan ushbu salatni ovqat o‘rniga ham iste’mol qilsangiz bo‘ladi.

Kerakli mahsulotlar:

• mol go‘shti — 250-300 g;
• lavlagi — 1-2 dona;
• kartoshka — 3 dona;
• sabzi — 1 dona;
• tuxum — 3 dona;
• tuz, murch;
• mayonez;
• anor donachalari — 1-2 qoshiq.

• Qaynatilgan mol go‘shtini bo‘laklarga bo‘ling.
• Qaynatib pishirilgan lavlagi, kartoshka va sabzini alohida qirg‘ichdan chiqaring.
• Qirg‘ichdan chiqarilgan kartoshkaga tuxumning oqini qo‘shing, mayonez, tuz va murch qo‘shing.
• Idishga birinchi go‘shtni bir qavat qilib soling.
• Keyin tuxum oqi aralashtirilgan kartoshka qo‘shing.
• So‘ngra lavlagi va sabzi soling.
• Ustidan mayonez qo‘shing.
• Qirg‘ichdan chiqarilgan tuxum sarig‘i soling.
• Maydalangan ko‘katlar va anor donachalari bilan bezang.
• 2-3 soat muzlatkichda turgandan keyin dasturxonga tortsangiz bo‘ladi.