Bugun,

  • USD 10920.28
  • RUB 177.49
  • EUR 11052.42

O‘zbek dublyaj sohasida sermahsul ijod qilgan Sanjar Sa’dullayev 4-dekabr kuni tongda kasalxonada vafot etdi. Janoza “Minor” masjidida peshin namozidan keyin o‘qiladi, deya “Daryo”ga xabar berdi aktyor Sanjar Sattorov.

Foto: Instagram

Eslatib o‘tamiz, aktyor 1954-yilning 10-iyul sanasida Toshkent shahrida tug‘ilgan. Toshkent Davlat teatr va sa’nat institutining drama va kino aktyorligi bo‘limida tahsil olgan.

Sanjar Sa’dullayev o‘zbek dublyaj san’atining eng taniqli va eng reytingi baland aktyorlaridan hisoblanardi. Uni muxlislar sirli aktyor deya ta’riflashgan. Chunki u ba’zi san’at sohasi vakillaridan farqli o‘laroq, o‘zini ommadan uzoq tutishga harakat qilgan, kameralar qarshisiga chiqmagan va intervyu bermagan.

Sanjar Sa’dullayev bugunga qadar 1000 dan ortiq filmlarga ovoz bergan. Jumladan “Qashqirlar makoni” (Po‘lat Alamdar), “Qish sonatasi” (Junsang), “Ichkarida” (Komissar Yusuf, Sarp, Hasan qizil yanoq), “Sevgi iztirobi” (Kamol), “So‘yla, Qoradengiz” (Vedad) kabi yuzlab seriallar va badiiy filmlardagi bosh qahramonlar obrazini gavdalantirgan. Qolaversa, u hind filmlarida Bollivud qiroli aktyor Shohruhxonga doimiy ravishda ovoz berib kelgan.

Ijodkorning oila a’zolari va yaqinlariga hamdardlik bildiramiz.

Izoh
Asosiy yangiliklar
Mahalliy
O‘zbekistonning qator hududlarida 19-avgust kuni kuchli shamollar bo‘lishi mumkin
Mahalliy
Namanganda Qur’oni Karimning noyob qo‘lyozmasini o‘g‘irlab ketgan shaxslar qo‘lga olindi (video)
Mahalliy
Sirdaryoda Isuzu avtobusi gaz balloni portlagani yuzasidan jinoyat ishi qo‘zg‘atildi