Eron bilan muzokaralar ishtirokchilari mamlakatning yadroviy dasturi bo‘yicha Keng qamrovli qo‘shma harakatlar rejasini amalga oshirishga qaytish borasidagi sa’y-harakatlarini ikki baravar oshirishi kerak. Bu haqda 3-dekabr kuni o‘tkazilgan brifingda BMT bosh kotibi vakili Stefan Dyujarrik ma’lum qildi, deb xabar beradi “TASS”.
“Biz muzokaralarning barcha ishtirokchilarini ushbu kelishuvlarni amalga oshirish sari harakat qilish uchun o‘z sa’y-harakatlarini ikki baravar oshirishga chaqiramiz”, — deydi u BMT bosh kotibi Antoniu Gutterishning bu boradagi pozitsiyasi to‘g‘risidagi savolga javob berar ekan.
Shu bilan birga, Dyujarrik qayta tiklangan muzokaralar jarayonining istiqbollari bo‘yicha hozirda biror xulosa chiqarmasligini ta’kidlagan.
Venada Tehronning yadro bo‘yicha Keng qamrovli qo‘shma harakatlar rejasi doirasida o‘tkazilgan muzokaralarning yettinchi raundi 3-dekabr kuni yakunlandi. Yevropalik ishtirokchilar muzokara jarayonini davom ettirishdan oldin konsultatsiya maqsadida o‘z mamlakatlariga qaytadi. Shu bilan birga, Eron OAVlari ma’lumotlariga ko‘ra, tomonlar muzokaralar stoliga keyingi hafta qaytishi mumkin. Tehronning ma’lum qilishicha, Venadagi yadroviy kelishuvni yangilash bo‘yicha muzokaralar jarayoni yaxshi, lekin sekin ketmoqda.
Eslatib o‘tamiz, yadro bo‘yicha qo‘shma harakatlar rejasi deb nomlanadigan kelishuv 2015-yil yozida Tehron hamda beshta vositachi mamlakat o‘rtasida imzolangan. Keyinchalik Eronning mazkur kelishuvni qo‘pol ravishda buzganlikda ayblashgan. 2018-yil may oyi boshida AQSh kelishuvdan bir tomonlama chiqishini e’lon qilgan va Eronga qarshi sanksiyalar qayta joriy qilinganini bildirdi. Eron esa kelishuv shartlariga ortiq rioya qilmasligi va 2020-yil yanvardan mazkur shartnomadan to‘liq chiqqanini qayd etgandi.
Izoh (0)