Namangan shahri ko‘chalarida haydovchi va piyodalarni hushyorlikka chorlovchi targ‘ibot avtokarvoni harakatlanmoqda. Bu haqda “Daryo” muxbiri Azizbek Abduvaliyev xabar bermoqda.

Foto: “Daryo” / Jahongir Akramov

Evakuatorlarga viloyatda ro‘y bergan YTHlar oqibatida shikastlangan yengil avtomobillar ortildi. Ularning aksariyati avariyalarda majaqlangan yoki yonib ketgan.

Foto: “Daryo” / Jahongir Akramov

Foto: “Daryo” / Jahongir Akramov

Foto: “Daryo” / Jahongir Akramov

Viloyat yo‘l harakati xavfsizligi boshqarmasi tomonidan tashkillangan avtokarvon davomida ovoz kuchaytirgichlar yordamida yo‘l qoidalariga rioya etish, tezlikni oshirmaslik, hushyor bo‘lishga chaqirilmoqda.

Foto: “Daryo” / Jahongir Akramov

Foto: “Daryo” / Jahongir Akramov

Evakuatorlar turli manzillar tomon yo‘lga chiqqan bo‘lib, mazkur ko‘rgazmali targ‘ibot va uning doirasidagi tadbirlar bilan viloyatning barcha shahar-tumanlarini qamrab olish ko‘zda tutilgan.

Foto: “Daryo” / Jahongir Akramov

Ma’lumot uchun, Namanganda 2021-yil 1-dekabr holatiga jami 1020 ta yo‘l-transport hodisasi sodir bo‘lgan. Bu o‘tgan yilning shu davriga nisbatan deyarli ikki barobar ko‘p. Ularning oqibatida 171 kishi halok bo‘ldi, qariyb 1000 kishi jarohatlandi.