O‘zbekistonda 15 kun ichida 25 mingga yaqin o‘zbekistonlik olti turdagi vaksina bilan emlandi. Xususan, mamlakatga yaqinda olib kelingan “Sputnik Layt” vaksinasining 7,5 ming dozasi allaqachon tugagan.
Bu haqda O‘zbekiston o‘lat profilaktikasi markazi direktorining epidemiologik masalalar bo‘yicha o‘rinbosari, tibbiyot fanlari nomzodi Dilmurod Mirzaboyevga tayanib, “Sputnik Uzbekistan” xabar qildi.
Dilmurod Mirzaboyevning so‘zlariga ko‘ra, ayni damda yangi partiyani olib kelish, shuningdek, respublikada Rossiyaning ushbu vaksinasini ishlab chiqarish imkoniyatlari muhokama qilinmoqda.
Bundan avval Rossiya Sog‘liqni saqlash vazirligi tomonidan mehnat migrantlarini emlash uchun yangi turdagi “Sputnik Layt” (Sputnik Light) vaksinasining 12 ming dozasi O‘zbekistonga olib kelingani xabar qilingandi. Ushbu vaksina bilan faqat O‘zbekistondan yuborilishi mo‘ljallangan 10 ming nafar quruvchi migrantlar emlanishi va vaksinatsiya jarayoni rossiyalik tibbiyot xodimlari tomonidan amalga oshirilishi aytilgandi.
Ma’lumot uchun, “Sputnik Layt” bir komponentli vaksina bo‘lib, u bilan to‘liq emlanish uchun vaksinaning bir dozasini olish kifoya qiladi.
Izoh (0)