“O‘zbekiston Respublikasi jamoat xavfsizligi konsepsiyasini tasdiqlash va uni amalga oshirish chora-tadbirlari to‘g‘risida”gi prezident farmoni imzolangani haqida xabar berilgan edi. Farmon bilan 2022—2025-yillarda O‘zbekistonda jamoat xavfsizligini ta’minlash tizimini rivojlantirish strategiyasi tasdiqlangan.
Unga ko‘ra, farmon bilan ilg‘or xorijiy tajribaga tayangan holda yo‘l harakatini tashkil etishda vakolatli davlat organlari va jamoat tuzilmalarining faoliyatini va o‘zaro hamkorligini “Ravon yo‘l” tamoyili asosida tashkil etish, muvofiqlashtirish hamda ularning vakolatlari doirasini aniq belgilashni nazarda tutgan holda, ushbu sohadagi munosabatlarni to‘g‘ridan to‘g‘ri qonun normalari bilan tartibga solish, “Yo‘l – piyoda uchun” tamoyilini keng joriy etish belgilangan.
Shuningdek, hujjatga muvofiq transport vositalari haydovchilari tomonidan sodir etiladigan yo‘ldagi bezorilik holatlari bilan ifodalanadigan xatti-harakatlar uchun ma’muriy javobgarlikni joriy etish belgilab qo‘yildi. Bundan tashqari, quyidagilar ham farmonda o‘z aksini topgan:
- davlat-xususiy sheriklik va autsorsing mexanizmlarini yo‘l harakati xavfsizligini ta’minlash tizimiga va yo‘l infratuzilmasini takomillashtirish jarayoniga joriy etish;
- “Yo‘l harakati intizomi bolalikdan boshlanadi” shiori ostida umumta’lim muassasalarida yo‘l harakati qoidalari bo‘yicha o‘quv tadbirlarini tashkil etish;
- umumta’lim muassasalarida “Harakat xavfsizligi sinfxonalari”ni, mahallalarda yo‘l harakatini o‘rgatish maydonchalarini tashkil etish.
Izoh (0)