Bugun,

  • USD 10920.28
  • RUB 177.49
  • EUR 11052.42

“O‘zgidromet” ma’lumotlariga ko‘ra, 5-dekabr, yakshanba kuni yomg‘ir yog‘ishi va havo harorati pasayishi kutilmoqda.

Foto: “Daryo” / Madina Nurman

Qayd etilishicha, issiq kunlardan so‘ng 3-dekabr, juma kuni shimoli-g‘arbiy hududlarga Kavkaz hududlaridan antitsiklon kirib keladi. Respublika hududining katta qismida yog‘ingarchilik kutilmaydi, faqat Qoraqalpog‘istonda, Xorazm, Buxoro, Navoiy viloyatlarida ba’zi joylarda biroz yomg‘ir yog‘ishi mumkin. Havo harorati 15-20 daraja iliq bo‘ladi.

4-dekabr, shanba kuni Buxoro, Navoiy viloyatlarida kuchsiz yomg‘ir yog‘ishi saqlanib turadi, qolgan hududlarda yog‘ingarchiliksiz ob-havo bo‘lishi kutilmoqda. Harorat foni pasayadi va kechasi 5-10 daraja iliqni, kunduz kuni 9-14 daraja iliqni tashkil etadi.

5-dekabr, yakshanba kuni salqin havo massalari O‘zbekistonning barcha hududlariga tarqaladi. Respublika bo‘yicha ba’zi joylarda yomg‘ir yog‘adi, tog‘li hududlarda yog‘ingarchilik (yomg‘ir, qor) bo‘ladi. Qoraqalpog‘istonda, Xorazm, Andijon, Namangan, Farg‘ona viloyatlarida yog‘ingarchilik kutilmaydi.

Havo harorati shu kunning me’yoriy qiymatlariga nisbatan yanada pasayadi va kechasi 2-7 daraja iliqni, kunduz kuni 5-10 daraja iliqni tashkil etadi. Shimolda kechasi 3-8 darajagacha sovuq, kunduz kuni 0-5 darajagacha sovuq bo‘ladi.

Shanba va yakshanba kunlari kechasi va ertalab tuman tushishi mumkin.

Izoh
Asosiy yangiliklar
Mahalliy
O‘zbekistonda ilk bor dunyo parlamentlari ayol rahbarlarining sammiti o‘tkaziladi
Mahalliy
O‘zbekistonda 6 oyda qancha aviaparvoz amalga oshirilgani ma’lum qilindi
Dunyo
Rossiya elchixonasi AQSHni Ukrainadagi mojaroga aralashgani uchun harbiy to‘qnashuv xavfidan ogohlantirdi