Ichi qo‘ziqorin bilan to‘ldirilgan kartoshkali taom retsepti

Qo‘ziqorin, pishloq hamda kartoshka uyg‘unligidagi ajoyib ta’mdan baharamand bo‘ling.

Kerakli mahsulotlar:

• kartoshka – 6-7 dona;
• qo‘ziqorin – 400 gramm;
• piyoz – 1 dona;
• o‘simlik yog‘i – 2 osh qoshiq;
• smetana – 3-4 osh qoshiq;
• pishloq – 150 gramm;
• tuz va ziravorlar.

1. Qo‘ziqorin va piyoz mayda to‘rtburchak shaklida to‘g‘raladi.
2. Tovaga o‘simlik yog‘i quyilib, piyoz 2-3 daqiqa qovuriladi. Qo‘ziqorin solinib, 5-6 daqiqa davomida pishiriladi.
3. Aralashma sovigach, smetana, tuz va ziravorlar qo‘shiladi.
4. Kartoshka qaynatib olinadi, ikki qismga bo‘linib, ichi o‘yib olinadi.
5. Qayiqcha shaklidagi kartoshkalar ichiga aralashma solinadi va ustidan qirg‘ichdan o‘tkazilgan pishloq sepiladi.
6. 190 daraja pechga 15-20 daqiqaga qo‘yiladi.