Rafiqasining qarindoshlari uchun xitoy tilini o‘rgangan Mark Sukerberg, Greta Tunberg nomi bilan atalgan o‘rgimchaklar. Mashhurlar haqidagi tasavvurlarni o‘zgartirib yuboradigan faktlar

Mashhur shaxslar bilan bog‘liq yangiliklarni millionlab muxlislar kuzatib boradi. Ularning hayotida ro‘y berayotgan voqealar, o‘zgarishlar ham ko‘pchilikka qiziq. AdMe yulduzlar bilan bog‘liq fikrlarni o‘zgartirib yubortiruvchi ma’lumotlarni e’tiboringizga havola qiladi.

Jekson va Merkyurining o‘xshamagan dueti

Pop-qiroli Maykl Jekson va Queen guruhi ishtirokchisi Freddi Merkyuri birgalikda 1985-yil “There Must Be More to Life Than This” qo‘shig‘ini ijro qilishi kerak edi. Ammo lama sabab bo‘lib, bu ortga qoldirilgan. Guruh menejerining aytishicha, Jekson sevimli hayvonining qo‘shiq yozilishida ishtirok etishini juda ham istagan. Merkyuri esa bunga rad javobini bergan.

Rafiqasining qarindoshlari bilan gaplashish uchun xitoy tilini o‘rgangan Mark Sukerberg

Facebook asoschisi Mark Sukerberg 2014-yilda yarim soat xitoy tilida munozara olib borib, hammani hayratda qoldirgan. Talaffuzi unchalik yaxshi emasligiga qaramay, shu qadar band insonning xitoy tilini o‘rganishga vaqt topgani kishini lol qoldiradi. Buning ikkita sababi bor. Birinchidan, bu media mahsulotni Xitoy bozorida ilgari surishga yordam berishi mumkin. Ikkinchidan esa, milliarderning aytishicha, xitoy tilini o‘rganganidan keyin unga rafiqasi Prissilla Channing oila a’zolari bilan muloqot qilish qulayroq bo‘lgan.

Kayli Minoug Kayli Jenner bilan ismi sabab sudlashgan

Kayli Minoug “Kayli” markasini ro‘yxatdan o‘tkazish uchun ariza bergan Kardashyanlarning eng kichik singlisi bilan bo‘lgan sudda yutib chiqqan. Avstraliyalik xonandaning aytishicha, unga Kayli ismi qo‘yilgan vaqtda Jenner hali dunyoga kelmagan. Minougning fikricha, model o‘z biznesini Kayli deb nomlashi uning brendiga zarar yetkazishi mumkin. Alal-oqibat Jenner o‘z brendini shunchaki Kayli deb nomlamay, uning oldiga Cosmetics so‘zini qo‘shishga majbur bo‘lgan.

Sherlok Xolmsning yozuvchisi haqiqiy jinoyatni fosh qilgan

Sherlok Xolms bilan bog‘liq hikoyalar muallifi sifatida mashhur bo‘lgan Artur Konan Doyl yozuvchilikdan tashqari, sudda yutqazganlarning himoyasi bilan ham shug‘ullangan. Uning ishlari orasida Oskar Sleyterning ozodlikka chiqishi eng katta shov-shuvga sabab bo‘lgan. Germaniyalik migrant Shotlandiya sudidagi xatoning qurboni bo‘lgan. Nohaq ravishda surgun qilingan erkak oradan deyarli 20 yil o‘tib ushbu ishni ko‘rib chiqishni iltimos qilib, Konan Doylga maktub yozgan. Haqiqat kurashchisi sifatida ma’lum bo‘lgan Artur darhol ishga kirishgan va mashhur deduktiv metodi bilan baxtiqaro insonning aybsizligini isbotlagan.

Britni Spirs guruh tarkibida qo‘shiq kuylashi kerak bo‘lgan

Xonanda yakkaxon faoliyatini boshlashdan avval o‘sha vaqtdagi mashhur The Spice Girls bilan raqobatlasha olishi kutilgan Innosense guruhiga qabul qilingan. Ammo nima ham bo‘lgan-u, Britni o‘rniga boshqa bir qo‘shiqchi olingan. Guruh esa mashhurlikka erisha olmagan.

“Sumerki” taqdim qilinganidan keyin uning yozuvchisi Stefani Mayerning turmush o‘rtog‘i ishdan ketgan

Vampirlar haqidagi kitob ilk bor 2005-yilda taqdim qilingan va oradan bir oy o‘tar-o‘tmas New York Times bestsellarlari ro‘yxatida beshinchi, keyinroq esa yetakchi bo‘lgan. Ayniqsa, o‘smirlar orasida mashhurlikka erishgan kitobning ekranizatsiyasi muallif Stefani Mayerga mo‘maygina daromad olib kelgan. Hayoti shunchalik o‘zgarib ketganidan uning turmush o‘rtog‘i farzandlariga qarab o‘tirish uchun ishdan bo‘shashga qaror qilgan.

Greta Tunberg sharafiga nomlangan o‘rgimchaklar

Nobel va boshqa bir qancha mukofotlarga nomzod bo‘lgan ekofaol Greta Tunberg nomi bilan atalgan o‘rgimchaklar bor ekani haqida bilarmidingiz? Thunberga gen. nov. — Madagaskardagi yangi o‘rgimchak turi hisoblanadi. Olimlarning aytishicha, maktab o‘quvchisi jonini jabborga berib kuyinadigan iqlim o‘zgarishi, shuningdek, o‘rgimchaksimonlar hayot tarzining o‘zgarishiga ham ta’sir qiladi. Araxnologlar (o‘rgimchaksimonlar sinfini o‘rganuvchilar) ekofaolning ismi bilan o‘rgimchaklarni atash orqali butun dunyo e’tiborini Madagaskardagi bioxilma-xillikning yo‘qolib ketishiga qaratmoqchi bo‘lgan.

Maykl Jekson “Garri Potter” myuziklini taqdim qilishni istagan

2010-yil Opra Uinfriga bergan intervyusida Joan Rouling Maykl Jekson uning yoniga kelib jajji afsungar Garri Potter haqida musiqali sahna asari olishni taklif qilganini ma’lum qilgan. Ammo muallif tijoriy takliflarga xavfsirab qaragani uchun xonandaning taklifiga rad javobini bergan.

Devid Bouing ko‘z qorachig‘i maktab vaqtidagi mushtlashuvdan keyin o‘zgargan

https://www.instagram.com/p/CWCSWqroW6H/?utm_source=ig_embed&ig_rid=7aaf2ee8-b49f-4d6e-b265-57adcc4eb296

Maktabda do‘sti Jorj Andervud bilan mushtlashgan Devidning ko‘z qorachig‘i keyinchalik shundayligicha qolib ketgan.

Benksi Time jurnaliga paket kiyvolgan holda tushgan suratini yuborgan

Zamonaning eng yorqin rassomlaridan hisoblangan Benksining kim ekani hali-hanuzgacha qorong‘iligicha qolmoqda. OAVda uning shaxsi bilan bog‘liq turli taxminlar qalashib yotishiga qaramay, mana bir necha yildirki, suratlarida olam-olam ma’no mujassam bo‘lgan rassomning kim ekanini hech kim bilmaydi. 2010-yilda u Time jurnalining eng nufuzli kishilardan tuziladigan 100 talik ro‘yxatidan o‘rin olgan. O‘zining profilida rassom boshiga paket kiyib tushgan surati bilan bo‘lishgan.

Jon Xill D vitamini sabab shifoxonaga tushib qolgan

Aktyor Jon Xill “Uoll-strit bo‘risi” filmini suratga olish vaqtida shifoxonaga tushib qolgan. Gap shundaki, filmda Donni Azoff rolini gavdalantirish uchun Jonning kamera qarshisida D vitaminini hidlashi kerak bo‘lgan. 7 oy davomida takrorlangan ushbu tryuk esa aktyorning salomatligiga ta’sir qilmay qolmagan.

Stiven Bolduin “Hanna Montana” sharafiga tatuirovka tushirgan

Aka-uka Bolduinlarning kenjasida tatuirovka ko‘p. Ular orasida HM yozuvi tushirilgani ham bor. Bu “Hanna Montana” serialini bildiradi. Mayli Sayrus qachonlardir Stivenga agar yelkasiga shunday tatuirovka tushirsa, unga serialdan epizodik rol berishini aytib hazillashgan. Buni jiddiy qabul qilgan Bolduin Maylining aytganini qilgan. Ammo serialda ishtirok etmagan.

Eddi Redmeyn va shahzoda Uilyam maktab vaqtidan buyon tanish

Eddi Redmeyn shahzoda Uilyam bilan bir maktabda o‘qigan. Ular, shuningdek, bir regbi jamoasida bo‘lgan.

Anna Nikol Smitga nasib qilmagan meros

26 yashar model va 89 yoshli biznes-magnat Jeyms Govard Marshall II turmush qurgani OAVda ko‘plab muhokamalarga sabab bo‘lgan. To‘ydan bir yil o‘tib erkak vafot etgan, beva Anna esa meros uchun kurasha boshlagan. Oqibatda Anna Nikol Smitga bir chaqa ham qolmagan, biznesmenning millionlari esa Marshall II ning o‘g‘liga qolgan.

Ronald Makdonald masxarabozining olib tashlanish sababi

Ronald Makdonald masxarabozi bir vaqtlar McDonald’s ramzi bo‘lgan. Ammo 2006-yilda hammasi o‘zgargan. Nyukasl politsiyasiga begona kimsa masxaraboz kostyumida yugurib chiqib, bolalarni qo‘rqitayotgani haqida xabar kelib tushgan. Bir necha kun shunday masxaraboz ishtirokidagi hodisalar qayd qilingan. Shundan keyin fastfud sotuvi bilan shug‘ullanadigan kompaniya masxarabozni olib tashlashga qaror qilgan.