Uch kishini o‘ldirishda nohaq ayblanib, 42 yil qamoqda jazo o‘tagan amerikalik Kevin Striklend uchun 1,5 milliondan ortiq dollar yig‘ildi. Bu haqda Esquire ma’lum qilgan.
Ta’kidlanishicha, 1979-yil bir umrlik jazo hukm qilinganda Kevin atigi 18 yosh bo‘lgan. U okrug prokurori Jekson Jin Peters Beykerning taklifiga binoan, guvohlarning ko‘rsatmalari asossiz ekani sababli ish qayta ko‘rib chiqilganidan so‘ng, Missuri shtatidagi qamoqxonadan ozodlikka chiqqan. Striklend shtat tarixidagi nohaq ayblovga ko‘ra eng uzoq vaqt qamoqda o‘tirgan odam bo‘lgan.
Mahalliy qonunga ko‘ra tovon puli DNK tahlili yordamida oqlangan odamlargagina to‘lanishi kerak. Shu bois ham Striklendning advokati, uni jamiyatga moslashishiga yordam berish maqsadida xayriya mablag‘i to‘plashga qaror qilgan. Unda 27 ming odam ishtirok etgan. Striklendning o‘zi bu haqida serial orasidagi yangiliklardan xabar topgan. U qamoqdan chiqqach birinchi bo‘lib onasining qabrini ziyorat qilishga borgan. “Avvalroq ziyorat qila olmagandim. Sodir qilmagan jinoyatda aybdor ekanligimni aytishganida qanday yig‘laganimni esladim”, — degan Striklend CNN’ga bergan intervyusida.
1978-yil 25-yilda 4 nafar jinoyatchi turar joy binosining ichiga bostirib kirgan va uch kishini otib o‘ldirgan. Hujumning to‘rtinchi qurboni — 20 yashar Sintiya Duglas tirik qolgan. U Kevin Striklendni voqea joyida bo‘lgan deb ko‘rsatma bergan. Keyinroq esa politsiya xodimlari unga bosim qilganini ta’kidlagan ayol, ko‘rsatmasini o‘zgartirmoqchi bo‘lgan.
Izoh (0)