Yevropa Ittifoqining Venesueladagi mintaqaviy saylovlarni kuzatish bo‘yicha missiyasi a’zolari hisobotida ularni “bulg‘ash” maqsadida josuslik faoliyatini yuritgan. Bu haqda mamlakat prezidenti Nikolas Maduroga tayanib, “Interfaks” xabar berdi.
“Ular saylov jarayonini ‘bulg‘ash’ni istadi, ammo buni uddalay olmadi. Josuslar delegatsiyasi (Yevropa Ittifoqidan — tahr.) kuzatuvchi emas edi — ular mamlakatning ijtimoiy, iqtisodiy va siyosiy hayotini kuzatib, erkin harakatlanib yurdi”, — deydi Maduro. Shu bilan birga, u saylov jarayoni “benuqson, ajoyib” o‘tganini qo‘shimcha qilgan.
21-noyabr kuni Venesuelada bo‘lib o‘tgan mintaqaviy saylovlar natijasiga ko‘ra Maduro partiyasi — Venesuela birlashgan sotsialistik partiyasi ishonchli g‘alabani qo‘lga kiritgan.
Saylovlarni mingdan ortiq xorijlik kuzatuvchilar kuzatib borgan bo‘lib, ular ayrim qonunbuzilishlarni hisobga olmaganda so‘nggi 20 yil ichidagi eng yaxshi saylov bo‘lganini tan olgan. Yevropa Ittifoqi kuzatuvchilari esa yakuniy hisobotni 2022-yilning boshida taqdim etadi.
Eslatib o‘tamiz, 22-fevral kuni Yevropa Ittifoqi Venesuela rasmiylariga qarshi yangi sanksiyalar e’lon qildi. Cheklovlar 19 nafar mansabdor, jumladan, Milliy saylov kengashi prezidenti Indira Alfonso, kengash vitse-prezidenti Leonardo Morales, Qurolli kuchlar strategik operatsiyalar qo‘mondonligi rahbari, admiral Remixio Sebalos Ichaso, shuningdek, Milliy assambleya a’zolari va sudyalarga nisbatan joriy etildi.
Bunga javoban Venesuela hukumati 24-fevral kuni Yevroittifoq elchisi Isabel Brilyante Pedrosoni persona non grata deb e’lon qildi va unga mamlakatdan chiqib ketish uchun 72 soat muhlat berdi. Yevroittifoq esa Venesuela diplomatik vakolatxonasi rahbarini o‘z hududidan chiqarib yubordi.
Izoh (0)