Vazirlar Mahkamasining “Toshkent shahrida yerusti halqa metro liniyalarining qurilishi” loyihasining texnik-iqtisodiy hisobini tasdiqlash to‘g‘risida”gi qarori qabul qilindi, deb xabar beradi Norma.
Loyiha O‘zbekiston prezidentining 2017-yilgi “Toshkent shahrida yerusti halqa metro liniyalarining qurilishi loyihasini amalga oshirish chora-tadbirlari to‘g‘risida”gi qarori ijrosini ta’minlash, shuningdek, transport infratuzilmasidan yanada samarali foydalanishni tashkil etish, Toshkent metropolitenining avtobus shohbekatlari bilan uzviy bog‘liqligini ta’minlash maqsadida qabul qilingan.
Asosiy texnik-iqtisodiy ko‘rsatkichlarga ko‘ra, loyihaning umumiy qiymati 354,36 million dollarni tashkil etadi. Xususan:
- Davlat budjetidan ajratiladigan mablag‘lar — 208,398 million dollar;
- Tiklanish va taraqqiyot jamg‘armasi krediti — 108,390 million dollar;
- Xitoyning “Eksimbank”i krediti — 500 ming dollar.
Xitoyning “Eksimbank”i tomonidan ajratilgan kredit 5 yillik imtiyozli davrga ega 20 yil muddatga mo‘ljallangan. Tiklanish va taraqqiyot jamg‘armasi krediti — 4 yillik imtiyozli davrga ega 15 yil muddatga mo‘ljallangan.
Avvalroq ushbu qarorga ko‘ra, Toshkent metropoliteni “O‘zbekiston temir yo‘llari” AJ tarkibidan chiqarilishi, Toshkentdagi 6 ta metro bekati atrofida avtoturargohlar tashkil etilishi to‘g‘risida xabar berilgandi.
Mavzuga doir: Shavkat Mirziyoyev metroni rivojlantirish loyihasini oxirigacha yetkazish topshirig‘ini berdi
Izoh (0)