Futbol bo‘yicha Ispaniya La Ligasining 15-turidan o‘rin olgan o‘yinda “Barselona” 27-noyabr, shanba kuni “Vilyarreal” bilan bahs yuritdi.
Vilyarrealda o‘tgan o‘yinda umumiy hisobda 4 ta gol urildi. Uchrashuvning dastlabki bo‘limida darvozalar daxlsiz qoldi.
Ikkinchi bo‘lim avvalida Frenki de Yong katalonlarni hisobda oldinga olib chiqdi. 76-daqiqada esa Samuel Chukvueze muvozanatni tikladi. Biroq o‘yin yakunlanishi arafasida mehmonlar yana ikkita gol urishning uddasidan chiqib, g‘alabani ilib ketdi. 88-daqiqada Memfis Depay o‘z nomini tabloga yozdirib qo‘ygan bo‘lsa, 90+4-daqiqada Filippe Koutinyo 11 metrlik jarima zarbasini golga aylantirdi.
Shu tariqa “Barselona” La Liga doirasida Xavi boshqaruvida ketma-ket 2-o‘yinda g‘alaba qozondi. Jamoa musobaqa jadvalida 14 ta o‘yin o‘tkazgan holda 23 ochko bilan 7-o‘rinda bormoqda.
La Liga
15-tur bahslari
27-noyabr, shanba
“Vilyarreal” – “Barselona” 1:3
Gollar: 0:1 – 48 de Yong, 1:1 – 76 Chukvueze, 1:2 – 88 Depay, 1:3 – 90+4, penalti Koutinyo.“Vilyarreal” – Ruli, Foyt, Albiol, Pau Torres, Pino (Chukvueze, 65), Pedrasa (Estupinyan, 65), Moyses Gomes, Kapu, Parexo, Trigeros (Raba, 84), Danjuma.
“Barselona” – ter Shtegen, Erik Garsiya, Pike, Arauxo, Alba (Mingesa, 71), Buskets, de Yong, Niko Gonsales (Koutinyo, 80), Ezzalzuli (Dembele, 66), Gavi, Depay.
Ogohlantirishlar: Pino (26), Alba (26), Pike (44), Raba (90).
Izoh (0)