Buyuk Britaniyaning katta qismiga Arven bo‘roni yopirildi. Oqibatda uch kishi yomon ob-havo qurboniga aylandi, deya xabar beradi Skynews.

Foto: Twitter

Nashr xabariga ko‘ra, kuchli shamol tufayli qirollikda xavfning eng yuqori darajasi e’lon qilingan, mamlakatda shamol tezligi 44 metr/sekundga yetgan. Tabiiy ofat Angliya shimolida 112 mingga yaqin odamni chiroqsiz qoldirgan.

Bundan tashqari, bo‘ron uch kishining hayotiga zomin bo‘lgan. Xususan, Kambriya grafligida yashovchi  fuqaro qulagan daraxt ostida qolib, og‘ir jarohatlar olgani sababli vafot etgan. Shimoliy Irlandiya va Shotlandiyaning Aberdinshir grafligida ham daraxtlar ichida odamlari bor transport vositalari ustiga qulab tushgan, oqibatda yana ikki kishi halok bo‘lgan.

Bir qator hududlarda bo‘ron kuchli qorni yetaklab kelgan, bu esa yirik tirbandliklarga va temiryo‘l harakatida jiddiy uzilishlarga sabab bo‘lgan.

Foto: Twitter

Foto: Twitter

Foto: Twitter

Foto: Twitter