Futbol bo‘yicha Italiya A Seriyasining 14-turidan o‘rin olgan bir qator uchrashuvlar 27-noyabr, shanba kuni bo‘lib o‘tdi.
“Yuventus” Turinda “Atalanta”ga qarshi bahs yuritdi. Bellashuv kutilmaganda bergamoliklarning g‘alabasi bilan yakunlandi: 28-daqiqada Duvan Sapata tomonidan kiritilgan gol o‘yinda yagonaligicha saqlanib qoldi.
Ushbu g‘alabadan keyin “Atalanta”ning ochkolari soni 28 taga yetdi va jamoa 4-o‘ringa ko‘tarildi. Hisobida 21 ochko bo‘lgan “Yuventus” esa 6-o‘rindan joy olgan.
“Inter” safarda “Venetsiya”dan ustun keldi. Milanliklarga g‘alaba keltirgan gollarga Xoqon Chalxono‘g‘lu va Lautaro Martines mualliflik qildi.
G‘alabadan so‘ng “Inter” (31) 3-o‘rinda bormoqda. “Venetsiya” esa 15 ochko bilan 15-o‘rinni band etgan.
A Seriya
14-tur bahslari
27-noyabr, shanba
“Yuventus” – “Atalanta” 0:1
Gol: 0:1 – 28 Sapata.“Yuventus” – Shchensni, Bonuchchi, de Ligt, Aleks Sandro, Makkenni (Kin, 64), Rabyo, Lokatelli, Kuadrado, Morata (Kayo Jorje, 85), Dibala, Kyeza (Bernardeski, 46).
“Atalanta” – Musso, Zappakosta (Palomino, 71), Toloi, Gimshiti, Demiral, Mele, de Ron, Froyler, Malinovskiy (Kopmeyners, 87), Pessina (Pashalich, 59), Sapata.
Ogohlantirishlar: Froyler (32), Malinovskiy (37), Zappakosta (43), Kuadrado (50), Rabyo (66), Demiral (70), Bernardeski (79), Gimshiti (84), Lokatelli (88).
“Venetsiya” – “Inter” 0:2
Gollar: 0:1 – 34 Chalxono‘g‘lu, 0:2 – 90+6, penalti Martines.“Venetsiya” – Romero, Massokki (Yunsen, 62), Kaldara, Chekkaroni, Haps, Vakka (Tessmann, 71), Ampadu (Chrnigoy, 84), Kiyin, Buzio, Aramu (Anri, 71), Okereke (Forte, 84).
“Inter” – Handanovich, Darmian (Dumfris, 71), Shkrinyar, Dimarko, Bastoni, Perishich (Dambrozio, 82), Brozovich, Chalxono‘g‘lu (Vesino, 57), Barella (Galyardini, 82), Korrea (Martines, 58), Jeko.
Ogohlantirishlar: Aramu (54), Haps (90).
Izoh (0)