O‘zbekistonda muzeylar ta’sis hujjatlariga muvofiq daromad keltiradigan faoliyat bilan shug‘ullanishi mumkin. Bu haqda Telegram’dagi “Huquqiy axborot” kanali xabar qildi.
Ma’lum qilinishicha, “‘Muzeylar to‘g‘risida’gi O‘zbekiston Respublikasi qonuniga qo‘shimchalar kiritish haqida”gi qonun prezident tomonidan imzolangan. Kiritilgan qo‘shimchaga ko‘ra, muzeylar ta’sis hujjatlariga muvofiq daromad keltiradigan faoliyat bilan shug‘ullanishi mumkin. Bunda muzey ashyolari va kolleksiyalari but saqlanishi kerak.
Qayd etilishicha, davlat muzeylariga pulli xizmatlardan, xayriyalardan tushadigan mablag‘lar kelgusi yil uchun budjetdan moliyalashtirish miqdorini kamaytirishga asos bo‘lmaydi. Qonun rasmiy e’lon qilingan kundan e’tiboran kuchga kiradi.
Izoh (0)