Xitoy shimoli-sharqidagi provinsiyalarga kuchli qor bo‘roni yopirildi. Bu haqda The Watchers nashriga tayanib, “Korrespondent.net” xabar berdi.
Ma’lum qilinishicha, qor bo‘ronlari, ayniqsa, Xeylunszyan va Szilin provinsiyalarida kuzatilgan. Noqulay ob-havo sharoiti sabab Xarbin, Szilin va boshqa shaharlardagi maktab hamda bog‘chalar vaqtincha yopilgan.
Xeylunszyan provinsiyasida 22 ta avtomagistral yo‘l yopilgan, transport reyslari bekor qilingan.
Szyamusi shahriga 42 santimetr qalinlikdagi qor yog‘gan. Qorning yog‘ishi Xeylunszyanning ayrim hududlarida rekord darajaga yetgan.
Avvalroq Xitoy poytaxti Pekinda havo harorati keskin sovib ketgani, shaharda odatdagi vaqtdan deyarli bir oy oldin qor yog‘gani to‘g‘risida xabar berilgandi.
Mavzuga doir: Video: Qamchiq dovonidagi yo‘l qordan tozalanmoqda
Izoh (0)