Qamchiq dovonida 25-noyabr kuni qor yog‘a boshlagandi. 26-noyabr kuni dovon yo‘lida qorni tozalash ishlari amalga oshirildi.

YHXBB tomonidan e’lon qilingan videoda qor yog‘ishi hali ham davom etayotganini, avtomobil yo‘li maxsus texnikalar yordamida qordan tozalanib, qum sepilayotganini ko‘rish mumkin.

“O‘zgidromet” 26-noyabr kuni respublikaning tog‘oldi va tog‘li hududlarida qor yog‘ishini, ba’zi joylarda kuchli bo‘lishi mumkinligini ma’lum qilgandi. Ba’zi joylarga tuman tushadi.

Shu sababli YHXBB dovon orqali harakatlanadigan haydovchilarni o‘ta ehtiyotkor bo‘lishga chaqirgan.

Eslatib o‘tamiz, 17-noyabrda ham Qamchiq dovoni kuchli qor yog‘in, dovon yo‘lida yaxvonlik va qor uyumlari yuzaga kelgandi. Yo‘ldagi qorni tozalashga 121 ta texnika va 350 ga yaqin ishchi jalb etilgan.