AQSh Savdo vazirligi Moskva fizika-texnika institutiga (MFTI) qarshi sanksiyalar joriy etdi, deb xabar beradi Meduza.
Ushbu ro‘yxatga kiritilish Amerika yetkazib beruvchilari MFTIga ayrim texnologik uskunalarni sotishni istasa maxsus litsenziya olishi kerakligini anglatadi.
Dolgoprudniy shahrida joylashgan Moskva fizika-texnika instituti Rossiyaning yetakchi texnik OTMlaridan biri hisoblanadi. U Moskva davlat universiteti, Sankt-Peterburg davlat universiteti, Oliy iqtisod maktabi kabi oliy ta’lim muassasalari bilan bir qatorda muntazam dunyoning eng yaxshi universitetlari reytingiga kiritilib kelinadi.
Ta’kidlanishicha, AQSh bundan oldin ham Rossiyaning turli ilmiy-tadqiqot institutlariga sanksiya qo‘llagan, biroq bu kabi cheklov birinchi bor bunday taniqli universitetga nisbatan qo‘llanilishi.
Avvalroq AQSh Rossiyaga Qrim sabab kiritilgan sanksiyalar muddatini bir yilga uzaytirgan va Navalniy tufayli sanksiyalarning ikkinchi raundi haqida ogohlantirgandi.
Izoh (0)