Toshkentda 7 ta yangi avtobus yo‘nalishi tashkil etiladi

Toshkent shahrida 7 ta yangi avtobus yo‘nalishini tashkil etish rejalashtirilmoqda. Bu haqda poytaxt transport boshqarmasi xabar berdi.

Qayd etilishicha, Toshkent shahar transport boshqarmasiga kelib tushayotgan murojaatlar tahlil qilinib, jamoat transportiga ehtiyoji mavjud hududlar kesimida yangi yo‘nalish chizmalari ishlab chiqilgan. “Yo‘lovchi tashish huquqiga ega bo‘lgan tegishli litsenziyasi mavjud talabgor tadbirkorlarga o‘rnatilgan tartibda ushbu yo‘nalishlar biriktirib berilishini ma’lum qilamiz”, — deyiladi xabarda.

Yangi avtobus yo‘nalishlari:

“Mashinasozlar” metro bekatidan Mirzo Ulug‘bek tumanidagi “Barkamol” mahallasigacha. Yo‘nalish masofasi — 14,3 kilometr;

“Chilonzor” metro bekatidan Uchtepa tumanidagi Birlik mavzesigacha. Yo‘nalish masofasi — 6,9 kilometr;

Sergeli tumanidagi “5-bekat” metro bekatidan Yangihayot tumanidagi “Gulzor” mahallasigacha. Yo‘nalish masofasi — 16,4 kilometr;

Yashnobod tumanidagi “Qo‘yliq dehqon bozori”dan Yangihayot tumanidagi “Gulzor” mahallasigacha. Yo‘nalish masofasi — 11 kilometr;

“3-bekat” metro bekatidan Yashnobod tumanidagi Mo‘ynoq ko‘chasigacha. Yo‘nalish masofasi — 8,3 kilometr;

“Yunusobod dehqon bozori”dan Yunusobod tumanidagi “Tiklanish” mahallasigacha. Yo‘nalish masofasi — 5,8 kilometr;

Mirzo Ulug‘bek tumanidagi “Ekobozor”dan Mirzo Ulug‘bek tumanidagi Ulug‘bek shaharchasigacha. Yo‘nalish masofasi — 12,5 kilometr.

Avvalroq O‘zbekiston bo‘ylab 310 ta yangi avtobus yo‘nalishlari tashkil etilishi, avtobuslar harakatini kuzatish imkonini beradigan “Toshkent transporti” mobil ilovasi ishga tushirilgani to‘g‘risida xabar berilgandi.