O‘zbekiston importida eng yuqori ulushga ega 10 davlat nomi ma’lum bo‘ldi

O‘zbekiston importida 2021-yilning yanvar—oktabr oylarida yuqori ulushga ega top-10 davlat nomi ma’lum bo‘ldi. Bu haqda Statistika qo‘mitasi xabar qildi.

Ma’lum bo‘lishicha, birinchi pog‘onani 4,2 milliard dollar bilan Rossiya band etgan. Ikkinchi o‘rinda Xitoy — 4 milliard dollar. Kuchli uchlikni Qozog‘iston 2,2 milliard dollar bilan yakunlagan. Keyingi o‘rinlar quyidagicha tartiblangan:

• Koreya — 1,5 milliard dollar;
• Turkiya — 1,3 milliard dollar;
• Germaniya — 571,5 million dollar;
• Turkmaniston — 404,1 million dollar;
• Hindiston — 371,9 million dollar;
• Ukraina — 364,2 million dollar;
• Litva — 342,1 million dollar.

Qayd etilishicha, O‘zbekistonning yanvar—oktabr oylaridagi tashqi savdo aylanmasi 32,6 milliard dollarga teng bo‘lgan. Bunda:

• eksport 12,4 milliard dollarni;
• import 20,2 milliard dollarni;
• passiv tashqi savdo balansi 7,8 milliard dollarni tashkil etgan.

Eslatib o‘tamiz, 2021-yilning yanvar—iyul oylarida Davlat statistika qo‘mitasi O‘zbekiston importida yuqori ulushga ega bo‘lgan hamkor davlatlar ro‘yxatini e’lon qilgandi. Unga ko‘ra, birinchi o‘rinda 2,7 milliard dollar bilan Xitoy qayd etilgan. Ikkinchi o‘rindagi Rossiyada ham 2,7 million dollarlik ko‘rsatkich mavjud. Ayni damdagi ro‘yxatdan farqli ravishda, 2021-yilning dastlabki 7 oyi natijalariga ko‘ra, ro‘yxatda Italiya ham bor edi. Hozir uning o‘rnida ro‘yxatdan Litva joy olgan.