Bugun,

  • USD 10940.05
  • RUB 182.26
  • EUR 11121.65

AQSh prezidenti Jo Bayden 2024-yilda o‘tkaziladigan prezidentlik saylovlarida ikkinchi muddatga saylanish niyatida. Bu haqda Oq uy matbuot kotibi Jen Psakiga tayanib, “Interfaks” xabar berdi.

Foto: Reuters

Foto: Reuters

“Bu uning niyati” — degan Psaki jurnalistlarning Bayden keyingi prezidentlik saylovlarida ishtirok etish niyatidami yoki yo‘qmi degan savolga.

Shu orqali matbuot kotib qator Amerika OAVlarining Bayden va uning yaqin maslahatchilari so‘nggi kunlarda o‘z ittifoqdoshlarini ikkinchi muddatga nomzodini qo‘yishni rejalashtirayotgani to‘g‘risida tarqatgan xabarlarini tasdiqlagan.

2024-yilgi saylovlarda ishtirok etish niyatida AQSh prezidenti inauguratsiyadan keyin deyarli darhol e’lon qilgan.

“Men ikkinchi muddatga nomzodimni qo‘yishni rejalashtiryapman. Men buni kutyapman”, — degandi 78 yoshli Bayden mart oyida. O‘shanda u katta ehtimol bilan AQShning amaldagi vitse-prezidenti Kamala Xarris ham qayta saylanishi mumkinligini qo‘shimcha qilgandi.

Shunga qaramay, Baydenning reytingi so‘nggi haftalarda pasayib bormoqda. Quinnipiac universiteti tomonidan o‘tkazilgan so‘nggi so‘rovlarga AQSh prezidenti Jo Baydenning faoliyatini amerikaliklarning 36 foizigina ma’qullagan. Bu yangi tarixiy minimum hisoblanadi. Bundan oldingi eng past natija oktabr oyida — so‘rov ishtirokchilarining 38 foizini uni qo‘llab-quvvatlangan vaqtda qayd etilgandi.

Bundan tashqari, ko‘pchilikni Baydenning keksaligi ikkilantirgan. 2024-yilda AQSh prezidenti 82 yoshga to‘lgan bo‘ladi.

 

Izoh
Asosiy yangiliklar
Mahalliy
Onlayn firibgarlik: fishing nima va undan qanday himoyalanish kerak?
Dunyo
Harbiy xizmatdan bosh tortganlik uchun 10 yilgacha qamoq: Putin safarbarlik yuzasidan qonun imzoladi
Dunyo
Borrel: Putinning yadroviy tahdidlarini jiddiy qabul qilish kerak