O‘zbekiston Buyuk Britaniyaning Preferensiyalar bosh tizimi (GSP EF)ning Kengaytirilgan sxemasiga qo‘shilgan birinchi mamlakatga aylandi. Bu haqda Investitsiyalar va tashqi savdo vazirligi hamda Buyuk Britaniyaning O‘zbekistondagi elchixonasi ishtirokidagi matbuot anjumanida aytib o‘tildi, deb xabar bermoqda “Daryo” muxbiri Sevara Mirzarahimova.
Ushbu yangilik O‘zbekistonga Buyuk Britaniyaga eksport hajmini sezilarli darajada ko‘paytirish va Britaniya bozorida ichki tovarlar raqobatbardoshligini oshirish imkonini beradi. Endilikda o‘zbekistonlik ishlab chiqaruvchilar Buyuk Britaniyaga tarif imtiyozlaridan foydalangan holda 7 800 dan ortiq tovar pozitsiyalarini eksport qilishi mumkin.
Tizim bo‘yicha o‘zbek tovarlariga imtiyozlar 2021-yil 1-noyabrdan boshlab qo‘llanilmoqda.
“Mazkur tizim Buyuk Britaniya va O‘zbekiston orasidagi munosabatlar qanchalik kengligiga urg‘u berishga imkoniyat taqdim etadi. Tizim aynan savdo, eksport masalalariga e’tiborni qaratadi. Shuningdek, O‘zbekiston eskportyorlariga ko‘proq imkoniyatlar yaratiladi. Boshqa xizmatlar, odamlar erkin, farovon va salomat yashashi, O‘zbekiston va Buyuk Britaniya tomonlarining bir qator sohalarda ham ijobiy o‘zgarish va o‘sishni ko‘rishimiz mumkin bo‘ladi. Shu jumladan, madaniyat, ta’limda ham bu ikki davlat o‘rtasidagi munosabatlarni rivojlantirishning bir qismi”, — deydi u Kenan Poleo.
Ta’kidlanishicha, O‘zbekistonning GSP Enhanced framework benefitsiari maqomiga ega bo‘lishi eksportning barqaror o‘sishi va diversifikatsiyasi uchun mustahkam poydevor yaratadi. Mahalliy eksportchilarga yangi bozorlarga muvaffaqiyatli chiqish imkonini beradi hamda Buyuk Britaniya bilan o‘zaro manfaatli tashqi iqtisodiy aloqalarning jadal rivojlanishiga xizmat qiladi.
Izoh (0)