2021-yilning yanvar—oktabr oylarida O‘zbekiston qiymati 747,4 million AQSh dollariga teng bo‘lgan 1,2 million tonna meva va sabzavotlar eksport qilgan. Bu haqda Davlat statistika qo‘mitasi xabar berdi.
2021-yilning 10 oyida O‘zbekiston tomonidan meva va sabzavotlar eng ko‘p eksport qilingan davlatlar qatoriga Qozog‘iston boshchilik qilmoqda — 538 ming tonna. Shuningdek, Rossiyaga 341 ming tonna eksport amalga oshirilgan bo‘lsa, Afg‘onistonga 26 ming tonna meva va sabzavotlar sotilgan.
O‘zbekiston 2021-yilning 10 oyida eng ko‘p meva va sabzavotlar eksport qilgan davlatlar:
- Qozog‘iston – 538 ming tonna;
- Rossiya – 341 ming tonna;
- Qirg‘iziston – 112 ming tonna;
- Xitoy – 65 ming tonna;
- Ukraina – 28 ming tonna;
- Afg‘oniston – 26 ming tonna;
- Turkmaniston – 24 ming tonna;
- Pokiston – 23 ming tonna;
- Belarus – 13 ming tonna;
- Turkiya – 11 ming tonna;
- Eron – 7,5 ming tonna;
- Ozarbayjon – 7 ming tonna;
- Germaniya – 3,6 ming tonna;
- BAA – 3,6 ming tonna.
Izoh (0)