Jizzax viloyati Zafarobod tumanida shartnoma asosida korxonalarning birida ishlayotgan mahkum bir kishiga jarohat yetkazib, so‘ng o‘zini osib qo‘ygan. Bu haqda viloyat IIB axborot xizmati xabar qildi.
Ma’lum qilinishicha, 2021-yil 17-noyabr kuni soat 15:00 larda Zafarobod tumanida joylashgan 30-sonli manzilli koloniyasida jazo muddatini o‘tayotgan, shartnoma asosida Sharof Rashidov “Qahramon” MFY hududida joylashgan MChJda ishlayotgan mahkum o‘z ish joyini tashlab ketadi.
Shu kuni soat 22:00 larda o‘zi yashagan Baxmal tumani Qirq qishlog‘iga borib, qo‘shnisining o‘n qo‘l kafti va qorin qismiga oshxona pichog‘i bilan bir necha marta urib, jarohat yetkazadi va qochib ketadi.
Jabrlanuvchi qorin bo‘shlig‘iga sanchilib kirgan jarohat tashxisi bilan shifoxonaning jonlantirish bo‘limiga yotqizilgan.
Jinoyatni sodir etgan shaxsning esa 18-noyabr kuni soat 00:30 larda Baxmal tuman hududidagi “Chorshanba” dehqon bozorida joylashgan savdo do‘koni ayvoniga arqon bilan osilgan holdagi jasadi topilgan.
Mavzuga doir:
Izoh (0)