Farg‘ona viloyati Dang‘ara tumanida yashagan yigit totalizatorda 16 million yutqazib qo‘ygani uchun o‘z joniga qasd qilgani haqida xabarlar tarqaldi. Bosh prokuratura axborot xizmati rahbari Hayot Shamsutdinov bu haqda rasmiy ma’lumot berdi.
Aniqlanishicha, 15-noyabr kuni Dang‘ara tumani, Soysohili ko‘chasida yashagan 28 yoshi yigit o‘zini osib, joniga qasd qilgan. Marhumning o‘lim sababini aniqlash uchun sudga oid tibbiy ekspertiza tayinlangan.
Ayni paytda mazkur holat yuzasidan tuman prokuraturasi tomonidan tergovga qadar tekshiruv harakatlari o‘tkazilmoqda.
Bundan bir necha kun avval Farg‘onada qarzga olgan 57 million so‘mni totalizatorda yutqazib qo‘ygan yigit qabristonda o‘zini osib qo‘ygandi. Pullarni 18-noyabr kuni qaytarib berishi kerak bo‘lgan ushbu yigit oila a’zolariga uni qabristondan topishlari haqida SMS xabarnoma yuborgan va shu kuni o‘zi istiqomat qilib kelgan MFYdagi qabriston ayvoniga o‘zini osgan.
Mavzuga doir:
- Chirchiqda tadbirkorning 33 ming dollarini qo‘lga kiritib, uni totalizatorda yutqazib qo‘ygan shaxsga jinoiy ish ochildi
- Toshkentda rahbarining 6 mln so‘m pulini totalizatorga tikib, yutqazib qo‘ygan yigit o‘zini pichoqladi
- Samarqandda o‘g‘irlagan qariyb 20 mln so‘mini totalizatorga tikib yuborgan yigitga jinoyat ishi qo‘zg‘atildi
Izoh (0)