Bundan roppa-rosa 10 yil oldin “Karib dengizi qaroqchilari: Noma’lum sohillarda” filmi ekranlarda namoyish etilgan va franshizaning birinchi qismi undan ham ertaroq – 18 yil avval paydo bo‘lgan. Mahoratli aktyor Jonni Depp ijro etgan Jek Chittak obrazi barcha zamonlar va xalqlarning asosiy dengiz qaroqchisi sifatida muxlislar yodida qolgan. Ammo franshiza haqida shunday faktlar borki, hatto ashaddiy muxlislar ham bundan bexabar.
Ilhom manbasi
Qaroqchilar haqida bir nechta filmlar yaratish g‘oyasi rejissor Gregor Verbinskida Kaliforniyadagi ko‘ngilochar bog‘da paydo bo‘lgan. Xuddi shu nomdagi attraksion u yerda juda mashhur edi. Bog‘da mehmonlar qayiqqa o‘tirib, bog‘ning ispan qal’asi ko‘rinishidagi dekoratsiya, o‘liklar ko‘rfazi, suv parilari sohili, qamoqxonada vaqt o‘tkazayotgan qaroqchining oldidan suzib o‘tadi.
Mahalliy aholining yordami
Suratga olish ishlari Karib dengizining 20 xil orolida bo‘lib o‘tgan va bu jarayonga haqiqiy mahalliy aholi ham jalb qilingan.
Jek Chittak to‘qima obraz emas
Albatta, ssenariy mualliflari bosh qahramonning ismini o‘ylab topgan, ammo prototip Jek Rekxem ismli haqiqiy qaroqchi. Rejissorlar esa undan bosh chanoq va suyaklari bo‘lgan bayroq tasvirini aynan ko‘chirgan.
Bechora maymun
Kapitan Barbossaga xizmat qilgan maymun suratga olish maydonchasida qiyinchiliklarga uchradi. U sujetga ko‘ra qo‘rquvdan titrashi uchun maxsus tebranish stendiga joylashtirildi, bu, albatta, bechora hayvonni juda qo‘rqitdi.
Aktrisaning dublor opasi
“Noma’lum sohillarda” filmini suratga olish vaqtida Anjelika rolini ijro etgan Penelopa Kruz homilador edi. Shuning uchun aktrisa bilan barcha rakurslarni to‘liq suratga olishning imkoni bo‘lmagan. Kadrni kesib bo‘lmaydigan joylarda esa aktrisaga juda ham o‘xshaydigan opasi Monika dublor sifatida ishtirok etgan.
Jonni Deppning improvizatsiyalari
Jonni Depp suratga tushishning boshidanoq ssenariy va qahramon obraziga ko‘plab o‘zgarishlar kiritdi. Uning o‘zi qaroqchining mimikasi, yurishini o‘ylab topdi va tilla tishlar qo‘yish taklifini kiritdi. Kartina prodyuserlariga aktyorning improvizatsiyalari unchalik ma’qul bo‘lmadi, lekin film rejissori uni qo‘llab-quvvatladi, shuning uchun Jek Chittak Jonnining o‘zi tasavvur qilganidek namoyon bo‘ldi.
Boshqa Jeklar
Qaroqchi roli uchun kastingda Kristofer Uoken va Jim Kerri ham talabgor edi. Ammo yozuvchi va hammuallif Styuart Bitti esa bu rolda Xyu Jekmanning tarafdori bo‘lgan. Biroq Disney kinokompaniyasi Xyuni unchalik mashhur emas deb hisobladi.
45 daqiqalik grim
Intervyuda Kira Naytli har kuni ertalab suratga tushishdan oldin vizajist huzurida 45 daqiqa vaqt o‘tkazgan. Bundan tashqari, suratga olish maydonchasida aktrisa doimiy ravishda parik taqib yurgan, chunki “Domino” filmida suratga tushish vaqtida u sochlarini qisqartirgan edi.
Dengiz kasalligi
Ko‘pgina kino aktyorlari dengiz kasalligidan aziyat chekdi bu, albatta, suratga olish jarayonini juda murakkablashtirdi. Aytgancha, birinchi kartina okeanda suratga olingan. Buning sababi shundaki, prodyuserlar ilgari “Titanik” filmi suratga olingan eng katta pavilyondan foydalanishi kerak edi, lekin u allaqachon boshqa suratga olish ishlari bilan band bo‘lgan.
Shunchaki qaroqchilar
Dastlab, birinchi film oddiygina “Karib dengizi qaroqchilari” deb nomlanishi rejalashtirilgan edi. Ammo kartina mualliflari ekranga chiqishidan ancha oldin muvaffaqiyatli filmlar davomiy bo‘lishi kerakligini anglab, tomoshabinlar franshizaning qismlarida chalkashmasligi uchun “Karib dengizi qaroqchilari”ga “Qora marvaridning la’nati” deb qo‘shdi.
Izoh (0)