Namangan viloyati Davlatobod tumanida tanishini kaltaklab, o‘ldirib qo‘ygan shaxs qamoqqa olindi, deya xabar bermoqda viloyat IIB axborot xizmati.
Namangan viloyati Davlatobod tumanida “Namangan parranda sanoat” MChJga qarashli mevali bog‘iga suv quyish maqsadida borgan fuqaro soat 21:00 lar atrofida o‘sha yerda yashovchi tanishi bog‘iga yo‘naltirilgan suvni to‘sib olganidan g‘azablanadi va u bilan janjallashadi.
Fuqaro janjal davomida suvning o‘zanini o‘ziga burib olgan tanishining tanasiga qo‘llari bilan urib, do‘pposlaydi.
Oqibatda jabrlanuvchi og‘ir tan jarohati olib, shifoxonaga yotqiziladi. Biroq tibbiy muolajalarga qaramasdan, 4 kun o‘tib vafot etadi.
Holat yuzasidan gumonlanuvchiga nisbatan Jinoyat kodeksining 104-moddasi 3-qismi “d” bandi (jabrlanuvchining o‘lishiga sabab bo‘lgan qasddan badanga og‘ir shikast yetkazish) bilan jinoyat ishi qo‘zg‘atilib, qamoqqa olish ehtiyot chorasi qo‘llangan.
Mavzuga doir:
- Toshkentda mast holda shifokor ayolni kaltaklab, jiddiy jarohat yetkazgan erkakka sud hukmi o‘qildi
- Toshkentda ayol Instagram’dan kelgan xabar sabab janjal ko‘targan erini pichoqlab qo‘ydi
- Navoiyda besh nafar mast odam beton ishlab chiqarish sexiga kirishga qarshilik ko‘rsatgan qorovulni kaltaklab o‘ldirdi
Izoh (0)