O‘zbekistonning Qanot Sharq xususiy aviakompaniyasi 17-noyabr kuni Rossiyaning Sochi shahriga ilk parvozini amalga oshirdi, deb xabar bermoqda Spot kompaniya matbuot xizmatiga tayanib.
Ma’lum qilinishicha, Toshkent—Sochi—Toshkent yo‘nalishi bo‘yicha muntazam reys har chorshanba kuni Airbus 320 samolyotlarida amalga oshiriladi. Parvoz vaqti taxminan 3 soat 50 daqiqani tashkil etadi.
Parvozlar jadvali (Toshkent vaqti bilan):
- Toshkentdan uchish — 13:00, Sochiga qo‘nish — 14:50;
- Sochidan uchish — 16:20, Toshkentga qo‘nish — 21:45.
Qanot Sharq O‘zbekistonda birinchi xususiy aviatashuvlar xizmatini yo‘lga qo‘ymoqchiligi 2019-yilda ma’lum bo‘lgandi. 2021-yilning iyulida kompaniya tegishli ruxsatnomaga ega bo‘ldi.
Sochidan tashqari, kompaniya BAAning Sharja shahriga parvozlarni amalga oshirdi, Toshkentdan Moskva va Kiyevga charter reyslarni yo‘lga qo‘ydi.
Izoh (0)