Dunyodagi eng birinchi yadroviy suvosti kemasi AQShda 31 million dollarga ta’mirlanadi, deb yozmoqda Defense Brief.
Tarixiy suvosti kemasi Konnektikut shtatining Nyu-London port shahridagi bazaga ko‘chirilgan, u yerda kema tozalanib, bo‘yaladi, yangi palubalar va bortlar o‘rnatiladi, ichki yoritish va bort zonalari almashtiriladi, hamda boshqa ko‘plab ta’mirlash ishlaridan o‘tkaziladi. Ta’kidlanishicha, USS Nautilus 20 yildan buyon birinchi marta bazaga o‘tkazilgan.
Ta’mirdan keyin suvosti kemasi dengiz tarixi va merosi qo‘mondoni boshqaruvida bo‘lgan muzey sifatida qoldiriladi.
USS Nautilus (SSN-571) 1954-yil 21-yanvarda suvga tushirilgan va 1980-yil mart oyida foydalanishdan chiqarilgan. O‘z xizmati davomida u insoniyat tarixida suv ostidagi muz qoplamalarini bosib o‘tib, Shimoliy qutbga yetib borgan birinchi suvosti kemasi bo‘ldi. U ilgari suvosti kemalari bo‘lmagan joylarga yetib bordi. SSN-571 jamoasi xizmatlari uchun bir nechta mukofotlarga sazovor bo‘lgan, 1982-yilda suvosti kemasining o‘zi AQShning milliy tarixiy yodgorligi maqomini olgan.
Eslatib o‘tamiz, AQSh Harbiy dengiz kuchlarining USS Connecticut yadroviy suvosti kemasi 2-oktabr kuni noma’lum obyekt bilan to‘qnashib ketgandi. Keyinroq ma’lum bo‘lishicha, to‘qnashuvga suv ostidagi qoya sababchi bo‘lgan.
Izoh (0)