Xonadon xarid qilish inson hayotidagi eng mas’uliyatli va murakkab qarorlardan biri. Xaridni amalga oshirishdan oldin, taklif etilayotgan xonadonlarni diqqat bilan o‘rganib chiqish va o‘nlab variantlardan birini tanlash lozim. Hozirgi vaqtda ko‘chmas mulk bozori o‘sish bosqichida bo‘lib, bir qarashda xaridorlar uchun ko‘plab imkoniyatlar mavjud. Qurilayotgan turar joy majmualari soni juda ko‘p bo‘lsa ham, taklif etilayotgan variantlarning barchasi deyarli bir xil ekanligiga guvoh bo‘lishingiz mumkin.
Lekin haqiqiy klub uyini yaratish bo‘yicha birinchi loyiha — Tiara Residence turar joy majmuasi ular orasida alohida ajralib turadi. Klub uyida hamma narsa eng mayda detallargacha puxta o‘ylangan: sifatli dizayn materiallari va infratuzilmadan boshlab qo‘shnilargacha. Ko‘pincha klub uylarni hamkasblar va do‘stlar xarid qilishadi.
Majmua qurilgan joy tasodifan tanlanmagan. Shaharning shimoli-sharqiy qismi yashash uchun eng qulay va nufuzli hududlardan biri hisoblanadi. Yaqin hududda Inha universiteti joylashgan, shuningdek, IT-park qurilmoqda. Asosiysi poytaxtning istalgan nuqtasiga 15 daqiqada, Botanika bog‘i va “Buyuk ipak yo‘li” metro bekatiga besh daqiqada yetib olishingiz mumkin.
Turar joy majmuasini qurishda zamonaviy arxitektura uslubi tanlangan. Ulkan panoramali derazalar sizning e’tiboringizni bir qarashdayoq o‘ziga jalb qiladi va xonadonlarning tabiiy yorug‘likka to‘lishini ta’minlaydi. Umuman olganda, majmua arxitekturasi shunday ishlab chiqilganki, uning hududiga kirgach, siz o‘zingizni shahar markazidagi sokin va tinch oazisga tushib qolgandek his qilasiz.
“Puxta o‘ylangan reja, rivojlangan infratuzilma, sayr qilish uchun mo‘ljallangan hududlar, mehmon kutish uchun terrasalar va boshqa ko‘plab afzalliklar Tiara Residence turar joy majmuasini oilalar uchun ideal maskanga aylantiradi”, — deya ma’lumot berdi savdo menejeri Nailya Yargayeva.
Uning so‘zlariga ko‘ra, majmua aholisining mazmunli dam olishi uchun barcha sharoitlar yaratilgan. Misol uchun, Tiara Residence majmuasining tom qismida joylashgan terrasada oilangiz bilan choy ichishingiz, piknik uyushtirishingiz, bog‘ va yon-atrofdagi go‘zal tabiat manzarasini tomosha qilishingiz mumkin. Bundan tashqari, majmua hududida ajoyib yozgi basseyn va og‘ir ish kunidan keyin dam olishingiz mumkin bo‘lgan turk hammomi mavjud.
Majmua hududida so‘nggi trendlarga mos ravishda zamonaviy lounge hudud yaratilgan. Bu yerda siz dam olishingiz, qulay muhitda yaqinlaringiz bilan maroqli vaqt o‘tkazishingiz va mehmon kutishingiz mumkin.
Poytaxt sharoitida yana bir muhim afzallik sifatida faqatgina majmua aholisi foydalanishi mumkin bo‘lgan yerosti avtoturargohini ko‘rsatib o‘tishimiz mumkin. Bu yerda mamlakatimiz uchun yangilik bo‘lgan valet-parking xizmati yo‘lga qo‘yilgan, siz avtomobilingizni majmuaning kirish qismida qoldirib ketasiz, majmua xodimi esa uni avtoturargohga olib kirib qo‘yadi.
Majmua aholisining xavfsizligiga alohida e’tibor qaratilgan. Yuqori darajadagi xavfsizlikni ta’minlash maqsadida alohida nazorat punkti o‘rnatilgan bo‘lib, u orqali faqat majmua aholisi hamda ular tomonidan taklif qilingan mehmonlargina ichkariga kirishi mumkin.
Umuman olganda, Tiara Residence turar joy majmuasining lokatsiyasi, yashil hududlar va zamonaviy infratuzilma hech kimni befarq qoldirmaydi. Majmua hududida yaratilgan barcha sharoitlar va qulayliklar oilangiz bilan ko‘p yillar davomida mazmunli va farovon hayot kechirishingiz uchun mo‘ljallangan.
Tiara Residence turar joy majmuasi haqidagi asosiy ma’lumotlar
Joylashgan manzil: Toshkent shahri, Ziyolilar ko‘chasi, 26-uy;
Majmua tavsifi: 10 qavatli zamonaviy bino, 174 ta xonadon (bir, ikki, uch va to‘rt xonali). Eng kichik xonadon 50 kvadrat metr, eng katta xonadon 365 kvadrat metr;
Obodonlashtirish: bolalar maydonchasi, basseyn, velo va yugurish yo‘lakchasi, tom qismida joylashgan terrasa;
Infratuzilma: minimarket, banket zali, elektromobillar uchun quvvatlash uskunasi, turk hammomi, launj-hudud, fitnes zal, 24/7 qo‘riqlash xizmati, yerosti avtoturargohi, mehmonlar hududi;
Texnik xususiyatlari: zilzilaga chidamliligi 9 ball, zamonaviy tezyurar liftlar, xavfsizlik va ventilyatsiya tizimi, yuqori texnologiyali panoramali oynalar.
Aloqa uchun:
Sayt: https://tr-uz.uz/
Instagram: https://www.instagram.com/tiara_residence/
Facebook: https://www.facebook.com/tiara.uzb
Telegram: https://t.me/tiarauzb
Murojaat uchun telefon: (998 93) 573 00 66
Reklama huquqi asosida.
Izoh (0)