Birlashgan Arab Amirliklarida Inkas kompaniyasi asoschisi sifatida tanilgan tadbirkor Ulug‘bekxon Maqsumov O‘zbekistonga Aksum brendini olib keldi. Ushbu brend ostida Chirchiq shahri hududida zirhli texnikalarni ishlab chiqarishga ixtisoslashtirilgan, yangi zavod o‘z faoliyatini olib boradi.
Inkas kompaniyasining ko‘p yillik tajribasidan kelib chiqqan holda ta’kidlash mumkinki, Aksum harbiy-sanoat kompaniyasi zirhli harbiy va tijorat transport vositalarining xalqaro bozorida ijobiy salohiyatga ega.
Aksum HSK — mudofaa sanoatidagi sizning ishonchli hamkoringiz. Ishlab chiqarilayotgan harbiy modellar va zirhli fuqarolik avtomashinalari xalqaro standartlarga muvofiq sertifikatlangan.
Tinimsiz mehnat, eng so‘nggi muhandislik ishlanmalari, yuqori sifatli materiallar va ko‘p yillik tajribadan foydalangan holda Aksum HSK o‘z mijozlariga xavfsizlik, qulaylik va hashamat nuqtayi nazaridan mukammal mahsulotlarni taqdim etadi.
Aksum harbiy-sanoat kompaniyasi hukumat qo‘shinlari, xalqaro qutqaruv va xavfsizlik tashkilotlari, moliyaviy tuzilmalar va yuqori martabali va VIP mijozlarni keng turdagi modellar bilan ta’minlaydi.
Aksum harbiy-sanoat majmuasi quyidagi mahsulotlar assortimentini taklif etadi: Lyuks sinfiga oid zirhli avtomashinalar, zirhli sedanlar, zirhli avtobuslar, zirhli birinchi tibbiy yordam mashinalari, zirhli inkassatorlik avtomobillari, turli maqsadlarda foydalanish mumkin bo‘lgan zirhli harbiy mashinalar.
Ulug‘bek Maqsumovning yangi kompaniyasi yuqori sifatli mahsulot ishlab chiqarishga qodir, zamonaviy ishlab chiqarish maydonchasini taqdim etadi. Barcha Aksum avtomobillari jo‘natilishdan oldin qattiq sifat nazorati sinovlaridan o‘tadi. O‘zbekiston Respublikasi, Chirchiq shahri hududida joylashgan 100 000 kvadrat metr maydonga ega ishlab chiqarish obyekti butun dunyo bo‘ylab avtotransport vositalarini uzluksiz va tez yetkazib berishni kafolatlaydi.
“Bizning asosiy maqsadimiz — eng yuqori toifadagi, sifatli va ishonchli zirhli transport vositalarini yetkazib berish orqali yo‘lovchilar va qimmatbaho aktivlarni o‘z manzillariga bexatar yetib borishini ta’minlash. Bizga ishonib, tanlovda adashmaysiz”, — deydi Ulug‘bekxon Maqsumov.
Reklama huquqi asosida.
Izoh (0)