Qirg‘izistonda sodir bo‘lgan zilzila kuchi Andijon va Namanganda sezildi

17-noyabr kuni soat 16:17 da Qirg‘izistonda zilzila sodir bo‘ldi, deb xabar qiladi O‘zbekiston FVV Seysmoprognostik monitoring respublika markazi.

Qayd etilishicha, zilzila episentri Toshkentdan 320 kilometr janubi-sharqda joylashgan bo‘lib, o‘chog‘i 10 kilometr chuqurlikda, magnitudasi 4,6 ballga teng bo‘lgan.

Zilzila O‘zbekistonning quyidagi hududlarida sezildi:

• Xonobod tumanida 3-4 ball;
• Qo‘rg‘ontepa tumanida 3 ball;
• Jalaquduq tumanida 3 ball;
• Paxtaobod tumanida 3 ball;
• Andijon tumanida 2-3 ball;
• Xo‘jaobod tumanida 2-3 ball;
• Andijon shahrida 2-3 ball;
• Izboskan tumanida 2-3 ball;
• Buloqboshi tumanida 2-3 ball;
• Uchqo‘rg‘on tumanida 2 ball;
• Oltinko‘l tumanida 2 ball;
• Asaka tumanida 2 ball;
• Norin tumanida 2 ball;
• Marhamat tumanida 2 ball.