“Qamchiqavtoyo‘l” Qamchiq dovoni yo‘lida yo‘llarni qordan tozalash ishlarini amalga oshirilayotganini ma’lum qildi.
Eslatib o‘tamiz, “O‘zgidromet” 17-noyabr kuni Qamchiq dovoni yo‘lida yaxvonlik va qor uyumlari yuzaga kelishidan ogohlantirgandi.
A-373 Toshkent—O‘sh avtomobil yo‘lining Qamchiq dovoni yo‘llarini qordan tozalash ishlarini amalga oshirish uchun “Qamchiqavtoyo‘l” ixtisoslashtirilgan yo‘llardan foydalanish unitar korxonasining 121 ta texnika va 350 ga yaqin ishchi xizmatchi safarbar qilingan.
FVV matbuot xizmatining bildirishicha, dovon yo‘li harakatlanish uchun ochiq.
“Qamchiqavtoyo‘l” yo‘llar nam bo‘lgani bois, haydovchilardan tezlikni oshirmaslikka va keskin tormoz bermaslikka chaqirgan. Keskin tormoz sirpanish holatlarini yuzaga keltirishi, buning oqibatida esa ko‘ngilsiz hodisa sodir bo‘lishi mumkinligini eslatib o‘tgan.
Mavzuga doir: Video: Qamchiq dovonida yog‘ayotgan qor
Izoh (0)